देशको चालु खाता एक खर्ब एक अर्ब ९० करोड घाटामा

काठमाडौं - मुलुकको चालु खाता एक खर्ब एक अर्ब ९० करोडले घाटामा पुगेको छ। अघिल्लो वर्षको सोही अवधिमा चालु खाता एक खर्ब ६ अर्बले घाटामा रहेको थियो। नेपाल राष्ट्र बैंकले सार्वजनिक गरेको चालु आर्थिक वर्षको सात महिनाको विवरणअनुसार अमेरिकी डलरमा अघिल्लो वर्षको सोही अवधिमा ९३ करोड ६ लाखले घाटामा रहेको चालु खाता समीक्षा अवधिमा ८७ करोड १० लाखले घाटामा रहेको जनाएको छ। समीक्षा अवधिमा पुँजीगत ट्रान्सफर ५.७ प्रतिशतले कमी आई रु सात अर्ब ८३ करोड कायम भएको छ भने खुद प्रत्यक्ष वैदेशिक लगानी ३७.३ प्रतिशतले कमी आई ...


सात महिनामा ५ खर्ब ६७ अर्ब  रेमिट्यान्स भित्रियो

काठमाडौँ - चालु आर्थिक वर्षको सात महिनामा देशमा ५ खर्ब ६७ अर्ब ७० करोड रुपैयाँ रेमिट्यान्स भित्रिएको छ । नेपाल राष्ट्र बैंकले सार्वजनिक गरेको देशको वर्तमान आर्थिक स्थितिको प्रतिवेदनले रेमिट्यान्स आप्रवाह १०.९ प्रतिशतले वृद्धि भएको देखाएको हो । जबकी गत वर्ष यस अवधिमा विप्रेषण आप्रवाह ०.७ प्रतिशतले घटेको थियो । अमेरिकी डलरमा विप्रेषण आप्रवाह ६.७ प्रतिशतले वृद्धि भई ४ अर्ब ८१ करोड पुगेको छ । अघिल्लो वर्ष यस्तो आप्रवाह ०.५ प्रतिशतले घटेको थियो । समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ र ...


मूल्यवृद्धि ३ प्रतिशतभन्दा तल, निर्माण सामग्रीमा ६.२५ ले मूल्यवृद्धि

काठमाडौं - चालु आर्थिक वर्षको सातौँ महिना (माघ)मा आइपुग्दा मूल्यवृद्धि तीन प्रतिशतभन्दा कममा झरेको छ। नेपाल राष्ट्र बैंकका अनुसार माघमा वार्षिक विन्दुगत उपभोक्ता मूल्यवृद्धि २.७० प्रतिशत रहेको छ। अघिल्लो वर्षको माघमा मूल्यृद्धि ६.८७ प्रतिशत थियो। माघ महिनामा खाद्य तथा पेयपदार्थ समूहको मूल्यवृद्धि ३.०२ प्रतिशत र गैरखाद्य तथा सेवा समूहको मूल्यवृद्धि २.४४ प्रतिशत छ। राष्ट्र बैंकका अनुसार २०७६ माघको तुलनामा २०७७ माघमा फलफूल, घिउ तथा तेल, दाल तथा गेडागुडी र सुर्तीजन्य वस्तुहरु उपसमूहको मूल्यवृद्धि क्रमशः १८.८४ प्रतिशत, १८.१४ प्रतिशत, १०.४१ प्रतिशत र १०.४१ प्रतिशत रहेको छ। माघ महिनामा काठमाडौं ...


महामारीमा बैंकहरुले ऋणीलाई दिए १३ अर्ब रुपैयाँ बराबरको ब्याज छुट

कोरोना महामारीमा बैंक, वित्तीय संस्थाले ऋणीलाई करिब १३ अर्ब रुपैयाँ बराबरको ब्याज छुट दिएका छन् । नेपाल राष्ट्र बैंकले कोरोना प्रभावित व्यवसायीलाई टाट पल्टिनबाट बचाउन दिएको निर्देशनअनुसार यस्तो छुट दिएका हुन् । नेपाल बैंकर्स एसोसिएसनका अनुसार कोरोना महामारीमा बैंकहरुले छुट दिएका कारण यो वर्ष बैंकहरुको आम्दानी केही घट्न पुग्यो । दुई प्रतिशत ब्याज छुट अन्तरगत वाणिज्य बैंकहरुले नौ अर्ब ६७ करोड, विकास बैंकहरुले ९६ करोड ५० लाख, वित्तीय कम्पनीले १४ करोड ६७ लाख र लघुवित्तले एक अर्ब ४७ करोड रुपैयाँ छुट दिएका छन् । वाणिज्य बैंकका एक ...


चार महिना बाँकी रहंदा लमही नगरको खर्च प्रन्ध्र प्रतिसत भन्दा कम
चार महिना बाँकी रहंदा लमही नगरको खर्च प्रन्ध्र प्रतिसत भन्दा कम

दिवाकर पोख्रेलदेउखुरी, फागुन । दाङको लमही नगरपालिकाको बजेट खर्च र राजश्व असुलीको अवस्था कमजोर देखिएको छ । हाल सम्म लमही नगरपालिकाले कुल बजेटको १७ प्रतिसत बजेट खर्च हुंदा पुँजीगत खर्च मात्रै ११ प्रतिसत रहेको छ । यस्तै राजश्व संकलनको हिसावले ११ करोड ६२ लाख संकलन गर्ने लक्ष्य राखेको नगरपालिकाले अहिले सम्म दुइ करोड ७० लाख मात्रै राजश्व संकलन गरी लक्ष्यको २३ प्रतिसत मात्रै पूरा गरेको छ । नगरपालिकाको मुख्य आम्दानीको श्रोत नदीजन्य पदार्थ हो । जुन अहिले नदीजन्य पदार्थ विक्री गर्न नपाउँदा राजश्व ...


बैङ्कहरूले एक सातामै  २७ अर्ब कर्जा प्रवाह गरे

काठमाडौँ - पछिल्लो समय अर्थतन्त्र चलायमान भएर सकारात्मक परिसूचक देखापर्दै गर्दा बैङ्क तथा वित्तीय संस्थाको कर्जा प्रवाह ह्वात्तै बढ्न थालेको छ । पछिल्लो एक सातामा वाणिज्य बैङ्कहरूको कर्जा लगानी २७ अर्ब रुपियाँ पुगेको छ । नेपाल बैङ्कर्स एसोसिएसनको तथ्याङ्कअनुसार फागुन ७ देखि १४ सम्मको अवधिमा २७ वाणिज्य बैङ्कले २७ अर्ब रुपियाँ कर्जा लगानी गरेका हुन् । कोरोना महामारीका बेला लगाइएको बन्दाबन्दी हटाइएयता अर्थतन्त्रले सकारात्मक सूचक देखाउन थालेको हा । निर्यातमा बढोत्तरी, महँगीमा कमी र विपे्रषणमा वृद्धिलगायतले अर्थतन्त्र सुधारको दिशामा जान थालेपछि बैङ्कहरूको व्यवसाय विस्तार पुरानै अवस्थामा आएको ...


नेपालले कार्बन सञ्चिति बापत पाँच अर्ब प्राप्त गर्ने

काठमाडौं - नेपालले वन संरक्षणमार्फत उत्सर्जन घटाई कार्बन सञ्चिति बढाएबापत करीब रु पाँच अर्ब (४५ मिलियन अमेरिकी डलर) रकम पाउने भएको छ । वन तथा वातावरण मन्त्रालयका सचिव डा.विश्वनाथ ओली र विश्व बैंकका देशीय निर्देशक फरिस अदाद–जेर्भोसबीच बुधबार भएको उत्सर्जन कटौती खरीद सम्झौताअनुसार नेपालले सो रकम प्राप्त गर्नेछ । सो सम्झौताअनुसार नेपालले पश्चिम तराईका जिल्लाका वनबाट ९० लाख टन कार्बनडाइअक्साइड उत्सर्जन घटाउने छ । यसरी वन संरक्षणमार्फत उत्सर्जन घटाई कार्बन सञ्चिति बढाएबापत नेपालले सो रकम पाउन लागेको मन्त्रालयले जनाएको छ । साथै समुदायमा आधारित वन व्यवस्थापन सुधार, ...


नेपाललाई ७ महिनामा ७ खर्ब ३३ अर्बको व्यापार घाटा

काठमाडौं- चालु आर्थिक वर्ष २०७७/७८ को ७ महिना अवधिमा मुलुकले ७ खर्ब ३३ अर्ब ७२ करोड रुपैयाँ बराबरको व्यापार घाटा व्यहोरेको छ। भन्सार विभागको तथ्यांकअनुसार माघ मसान्तसम्ममा नेपालले ८ खर्ब ७३ अर्ब ५६ करोड रुपैयाँ बराबरको वैदेशिक व्यापार गर्दा सवा ७ खर्बभन्दा बढी घाटा व्यहोरेको देखिएको हो।  विभागको तथ्यांकअनुसार माघ मसान्तसम्ममा ८ खर्ब ३ अर्ब ६४ करोड रुपैयाँ बराबरको वस्तु आयात भएको छ भने ६९ अर्ब ९१ करोड रुपैयाँ बराबरको मात्रै निर्यात भएको छ। गत आर्थिक वर्षको सोही अवधिको तुलनामा यसवर्ष आयात ०.०१ प्रतिशतले बढेको छ ...


बढ्यो खाना पकाउने ग्यास र पेट्रोलियम पदार्थको मूल्य

काठमाडौँ - नेपाल आयल निगमले खाना पकाउने ग्यास र पेट्रोलियम पदार्थको मूल्य बढाएको छ। निगमका प्रवक्ता बिनितमणि उपाध्यायका अनुसार आज बसेको निगम सञ्चालक समिति बैठकले भारतबाट बढेर आएको मूल्यअनुसार समायोजनको निर्णय गरेको हो। बढेको मूल्य राति १२ बजेदेखि लागू हुनेछ। प्रवक्ता उपाध्यायका अनुसार डिजेल, पेट्रोल र मट्टितेलको मूल्य प्रतिलिटर दुई रुपैयाँ बढेको छ। अब काठमाडौं उपत्यकामा पेट्रोलको मूल्य प्रतिलिटर ११२, डिजेल तथा मट्टितेलको ९५ रूपैयाँ पर्नेछ। त्यस्तै खाना पकाउने एलपी ग्यासको मूल्य प्रतिसिलिण्डर २५ रूपैयाँले बढेको उनले जानकारी दिए। अब खाना पकाउने ग्यासको प्रतिसिलिन्डर मूल्य १ हजार ४ ...


सरकारले निर्वाचनका लागि आयोगलाई दियो ७ अर्ब रकम

काठमाडौं - आउँदो वैशाखमा गर्ने भनिएको निर्वाचनका लागि अर्थ मन्त्रालयले निर्वाचन आयोगलाई ७ अर्ब रुपैयाँ उपलब्ध गराएको छ। बजेटको अर्धवार्षिक समीक्षाको क्रममा अर्थमन्त्री विष्णुप्रसाद पौडेलले निर्वाचन आयोगको मागअनुसार रकम उपलब्ध गराएको बताएका हुन्। सरकारले चालू आर्थिक वर्षको सुरुवाती विनियोजनभन्दा १ खर्ब ३० अर्ब रूपैयाँले बजेटको आकार घटाउँदै बजेटको अर्धवार्षिक समीक्षा गरेको छ। चालू वर्षको सुरुमा १४ खर्ब ७४ अर्ब रूपैयाँ बजेट खर्च गर्ने लक्ष्य राखिएकोमा त्यसलाई १३ खर्ब ५५ अर्ब रूपैयाँमा झारिएको छ। सरकारले सुरूवाती लक्ष्यको तुलनामा ९१ प्रतिशत चालू खर्च, ८० प्रतिशत पूँजीगत खर्च र ८५ प्रतिशत वित्तीय ...





ट्रेन्डिङ