दिवाकर पोख्रेल
देउखुरी, जेठ १८ । लामो समय लकडाउनको कारण व्यपार व्यवसाय धरासायी हुन थालेको भन्दै दाङको देउखुरी उद्योग बाणिज्य संघले लमही बजार खुला गर्ने निर्णय भएसंगै बजारमा ब्यापक चहलपहल शुरु भएको छ । आज आइतबार खाद्यान्न बाहेकका पसलहरु खुल्ने निर्णय बमोजिम लमहीका पसलमा बिना सावधानी किनबेच चलिरहेको छ । अधिकाश पसलमा भिडभाड बढेपनि पसलमा नत सावुन पानीको व्यवस्था गरिएको छ, नत स्यानेटाइजर नै । सुरक्षा सावधानी विना सामान्य परिस्थिती जस्तै फेन्सी, भाँडा,जुत्ता,कपडा,कस्मेटिक पसलहरुमा भिडभाड बढेको छ ।

देउखुरी उद्योग बाणिज्य संघका अध्यक्ष रत्नप्रसाद श्रेष्ठले ब्यपारीहरुको ब्यापक दवाब आउन थालेपछि प्रशासन र स्थानीय सरकारसंग समन्वय गरेर पसल खुल्ने निर्णय गरेको बताउनुहुन्छ । ब्यापारी यतिकै मनै भएन घरभाडा, बैंक ब्याजले गाँजिएका ब्यपारीको ब्यापक दबाब पछि यो निर्णय गरिएको हो, श्रेष्ठले भन्नुभयो । उद्योग बाणिज्य संघका अध्यक्ष बाहेकका अन्य पदाधिकारीले पनि खुलेरै ब्यपार खोल्ने निर्णयको अपनत्व लिन सकेका छैनन् । महासचिव कमलजंग सिंह ठकुरीले अध्यक्ष र प्रमुख जिल्ला अधिकारीको समन्वयमा ब्यपार खोल्ने निर्णय भएको बताउनहुन्छ । ब्यपारीहरुको निवेदन अनुसार अध्यक्षले पहल कदमी लिनुभएको होला, हाम्रो बैठक बसेर निर्णय भएको छैन,कार्य समितिको बैठक बस्दै बसेको छैन,उहाँले भन्नुभयो ।
तर यता लमही नगरपालिका प्रमुख कुलवहादुर केसील सङ्क्रमणको जोखिम कायमै रहेको समयमा एकलौटी रुपमा माइकिङ गरेर ब्यपार खोल्ने निर्णय आत्मघाती रहेको बताउनुहुन्छ । हामीसंग कुनै पनि सहकार्य भएको छैन,हामी अहिल्यै हतार नगर्नु भनेका छौ, सम्पुर्ण ब्यपारी, उपभोक्ताको समस्या प्रति स्थानीय सरकार जगजाहेर छ, यसलाई विशेष परिस्थितीको रुपमा लिनुपर्ने हुन्छ,नगर प्रमुख केसीले भन्नुभयो । नगर प्रमुख केसीले सरकारले लकडाउन गर्ने तर लमहीमा उद्योग बाणिज्य संघका अध्यक्षले एकलौटी खोल्ने निर्णयलाई प्रशासनले साथ दिएको भन्दै आक्रोस पोख्नुभयो ।

प्रमुख जिल्ला अधिकारी गोविन्द प्रसाद रिजालले ब्यपार खोल्ने निर्णय नभएको भन्दै उद्योग बाणिज्इ संघका अध्यक्षले एकलौटी गरेको बताउनुभयो । उद्योग बाणिज्य संघका ध्यक्षले आफ्नो मनोमानी गर्नुभएछ, अहिले हतारो नगर्नु भनेका थियौ, हामी बैठक बसेर यो बन्द गर्छौ,रिजालले भन्नुभयो । लकडाउन खोल्ने नखोल्ने निर्णय सरकारले गर्ने भन्दै प्रमुख जिल्ला अधिकारी रिजालले लमहीमा ब्यापक भिडभाड भयो भन्ने गुनासो अएको भन्दै यसलाई नियन्त्रण गरिने बताउनुभयो । यसरी विना तयारी गरिएको निर्णयबाट स्वयम ब्यपारीहरुले भने चिन्ता व्यक्त गर्न थालेका छन । उद्योग बाणिज्य संघले कुनै निर्णय विना एकलौटी रुपमा ब्यपार खुला गरेको बताएका छन् । लमही चेम्बर अफ कमर्सका अध्यक्ष अजय न्यौपानेले आफुहरुसंग कसैले पनि समन्वय नगरेको भन्दै कसरी ब्यपार खुलेको हो आफुलाई थाहै नभएको बताउनुभयो । ब्यपारी मर्कामा छन् नगरपालिकाले उनिहरुलाई सम्बोधन गर्ने प्याकेज ल्यानुपर्छ भनेका छौ, सङक्रमण र रोगसंग भने सावधानी अपनाउनै पर्छ उहाँले भन्नुभयो ।