देउखुरी समाचारदाता
देउखुरी, जेठ । लकडाउनका कारण दैनिक छाक बस्न थालेका परिवारलाई राहत वितरण गर्न अनुरोध गर्दै स्थानीय व्यपारीबाट राहत दिनेक्रम जारी छ । कोरोना सङ्क्रमणले विश्वभर नै विपद् निम्ताएको अवस्थामा दैनिक गुजारा गर्ने र सामान्य परिवारको छाक नबसोस भन्ने उद्देश्यका साथ दाङका एक ब्यपारीले ५० बोरा माला जातको चामल जनप्रतिनिधिलाई हस्तान्तरण गरेका हुन ।

लमही स्थित नविल फेन्सी स्टोर प्रोपाइटर लुकमान अलीले लमही नगरपालिका वडा नम्बर ५ का वडाअध्यक्ष बिमबहादुर केसीलाई राहत स्वरुप चामल हस्तान्तरण गर्नुभएको हो । राहत ग्रहण गर्दै वडाअध्यक्ष केसीले वडाका प्रत्येक टोलविकास संस्था मार्फत दैनिक छाक बस्न सक्नेको तथ्याङ संकलन गरि एकद्धार प्रणाली मार्फत वितरण गरिने भएकाले बास्तबीक पिडितले मात्रै राहत पाउने बताउनुभयो । विपद्को समयमा स्थानीय ब्यपारीको सहयोगबाट अन्य व्यत्तिले गास पाउने भन्दै राहत उपलव्ध गराएको प्रति धन्यवाद ज्ञापन गर्नुभयो ।

राहत उपलव्ध गराउने लुकमान खानले बास्तबीक पिडितलाई राहत उपलव्ध गराउन आग्रह गर्दैसंकको समयमा सहयोग गर्न पाउँदा खुसी लागेको बताउनुभयो ।