नेविसंघमा ३२ वर्षमाथिको नेतृत्व बनाए आमरण अनसन बस्ने चेतावनी

2019-10-23

काठमाडौं - विधानमा व्यवस्था भएको उमेरहद कार्यान्वयन नगरी ३२ वर्षभन्दा माथिको उमेर समूहबाट नेविसंघको तदर्थ समिति गठन गरिए आमरण अनसन बस्ने चेतावनी नेविसंघकै विद्यार्थीले दिएका छन्।

निर्वतमान केन्द्रीय समितिद्धारा जिल्ला अधिवेशन गर्न ७७ वटै जिल्ला समितिलाई दिएको निर्देशन पत्र र नेविसंघको विधानमा ‘३२ वर्ष उमेर पूरा भएको व्यक्ति संघको सदसय हुन पाउने छैन’ भनी उल्लेख गरिएको जनाइएको छ।

विधान–पक्षधर विद्यार्थीहरु भनि आज गरिएको पत्रकार सम्मेलनमा संघका निर्वतमान केन्द्रीय सदस्य नवराज त्रिपाठीले तदर्थ समितिमा ३२ वर्षे उमेरहद कार्यान्वय नगरिए आमरण अनसन बस्ने चेतावनी दिए।

उनले पार्टी नेतृत्वलाई प्रश्न गरे,‘उमेर हद लागु गर्ने गरी २० जिल्लामा अधिवेशन भइसकेको छ। ती जिल्लाको कार्यसमिति के हुन्छ?’ अर्का विद्यार्थी नेता शुशील भट्टले भने,‘ अहिले फेरि पार्टी नेतृत्वले ३२ वर्षमाथिको नेतृत्व चयन गर्दा अधिवेसन भएका जिल्ला पदाधिकारीलाई उत्तर के दिने?’

नैनसिंह महरको कार्यसमितिले समयमा १२ औं महाधिवेसन गर्न नसकेको भन्दै पार्टीले आठ महिना अघि संघको कार्यसमिति भंग गरेको थियो।

पार्टी सभापति शेर बहादुर देउवाले तदर्थ समितिको अध्यक्षमा राजीव ढुङ्गानालाई अघि सारेका छन्। वरिष्ठ नेता रामचन्द्र पौडेलले ११ औं महाधिवेशनमा पराजित मनोजमणि आचार्यले संघको नेतृत्व पाउनुपर्ने दाबी गर्दै आएका छन्।

तदर्थ समिति गठनका लागि तेश्रो समुहका नेता कृष्ण प्रसाद सिटौलाले मौन समर्थन जनाएपछि उनी निकटका विद्यार्थी नेताहरु नै उनी प्रति रुष्ट बनेका छन्। सिटौला निकट एक विद्यार्थी नेताले भने,‘विधान अनुरुप संघ चल्नुपर्छ भनी हामीले केन्द्रीय कार्यालयमा समेत आन्दोलन गर्‍यो।अहिले उहाँले नै स्वीकृति जनाउनुभयो।’




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...




ट्रेन्डिङ