देउखुरी समाचारदाता
देउखुरी, चैत । देउखुरीका ऐन प्यासनमा आवद्ध विद्यालयका अभिभावक लाई एकै ठाउँमा जम्मा गरेर अभिभावक केन्द्रित शिक्षा प्रर्दान गरिएको छ । एन प्याब्सन दाङ देउखुरीले आयोजना गरेको वृहत निजी विद्यालय अभिभावक तालिमको लमहीमा उद्घाटन प्रदेश सभा सदस्य रेवतीरमण शर्माले गर्नुभयो ।

उद्घाटन गर्दै प्रमुख अतिथि शर्माले सरकारले आवश्यकताको आधारमा प्राविधिक जनशक्ति उत्पादन गर्न शिक्षा क्षेत्रमा लगाउनुपर्ने बताउनुभयो । शिक्षा क्षेत्रमा गुणात्मक सुधारको खाँचो रहेको भन्दै उहाँले शिक्षक, विद्यार्थी, अभिभावक, सरोकार राख्ने निकाय सबै जिम्मेवार हुनुपर्ने बताउनु भयो ।

देउखुरीदेउखुरी क्षेत्रमा रहेका ११ वटा नीजि विद्यालयका करिब दुइहजार अभिभावकलाई तालिम प्रदान गरिएको हो । विद्यार्थीको भबिस्य सुधार गर्ने दायित्व अभिभावको हातमा रहेको भन्दै अभिभावकलाई जागरुक बनाउन तालिम प्रदान गरिएको हो ।

नेपाल राष्ट्रिय अभिभावक संघ प्रदेश ५ नीजि विद्यालय संयोजक तथा एन प्याब्सनका कार्यक्रम संयोजक भुमाण्डव केसीको अध्यक्षता भएको कार्यक्रममा कार्यक्रममा मनोविद रविन कट्वालले प्रशिक्षण दिनुभएको थियो । मुवारक अलिको स्वागत मन्तव्य बाट शुरु भएको कार्यक्रमको सञ्चालन भानु जोशीले गर्नु भएको थियो ।