काठमाडाैँ - पूर्व नेकपा एमाले र माओवादीबीच एकिकरण पश्चत पहिलो पटक सत्तारुढ दल नेपाल कम्युनिष्ट पार्टी (नेकपा)ले मधेशमा आमसभा गर्न लागेको छ।

तराई–मधेशलाई टुक्रयाएर अलग्गै देश बनाउने एजेण्डा बोकेका डा. सिके राउतसँग सरकारले शुक्रबार सहमति गरेपछि मधेशका सवालमा सम्बोधन गर्न नेकपा अध्यक्ष तथा प्रधानमन्त्री केपी ओली र अर्का अध्यक्ष पुष्पकमल दाहाल एकैसाथ मधेश झर्न लागेका छन्। नेकपा प्रदेश २ ले रौतहटको गरूडामा आमसभाको आयोजना गरेको हो।

आमसभालाई मध्ये नजर गरी तराइको सुरक्षा व्यवस्था निकै कडा पारिएको छ । ओली सरकारले सबै शक्ति तराइमा केन्द्रित गरी सम्भावित खतरा टार्न कोशिस गरिरहेको विष्लेषकहरुको भनाई छ। उच्च स्रोतका अनुसार अायाेजित सभामा सिके राउतका कार्यकर्ताहरू पनि सहभागी हुनेछन्।