काठमाडौं - अन्तर्राष्ट्रिय क्रिकेट काउन्सिल आइसिसीले नेपाललाई समावेश गरेर पछिल्लो टी–ट्वान्टीे वरियता सार्वजनिक गरेको छ । आइसिसीले आज सार्वजनिक गरेको वरियतामा नेपाल १४ औँ स्थानमा रहेको छ । नेपालभन्दापछि युएई, हङकङ, ओमन र आयरल्यान्ड रहेका छन् । हिजोसम्म बरियतामै नभएको नेपालले ४ वटा टीमलाई पछि पार्दै १४ औँ नम्बरमा आफ्नो स्थान बनाएको हो ।

नेपालभन्दा अघि १३ औँ स्थानमा नेदरल्यान्ड, १२ औं स्थानमा जिम्वाब्बे, ११ औँ स्थानमा स्कटल्यान्ड रहेका छन् । बरियताको पहिलो नम्बरमा पाकिस्तान रहेको छ । दोस्रो नम्बरमा भारत, तेस्रोमा अफ्रिका, चौथोमा इङल्यान्ड, पाँचौँ नम्बरमा अष्ट्रेलिया र छैटौँ नम्बरमा न्युजिल्यान्ड छन् ।

सातौँ स्थानमा वेस्टइन्डिज, आठौँमा अफगानस्तान, नबौँमा श्रीलंका र १० औँ स्थानमा बंगलादेश रहेका छन् । नेपालले एकदिवसीयको १५ नम्बरमा समेत स्थान बनाइसकेको छ ।

नेपालले युएई विरुद्ध तीन वटा एकदिवसीय र तीन वटा ट्वान्टीट्वान्टी खेल खेलेपछि आइसिसीले बरियाता हेरफेर गरेको हो । नेपालले दुबै फम्र्याटमा दुई–दुईवटा म्याच जितेर सिरिज नै आफ्नो पक्षमा पारेको थियो ।