एजेन्सी - ला लिगा च्याम्पियन बार्सिलोनाको ३६ खेल लामो अपराजित यात्रामा पूर्णबिराम लागेको छ । ३७ औँ खेलमा गएराती लेभान्तेसँग ५–४ गोल अन्तरले पराजित भएसँगै जारी सिजनको ला लिगामा बार्साको अपराजित यात्रा टुंगिएको हो ।

लेभान्तेको घरेलु मैदानमा बल माथी अधिकांश समय नियन्त्रण बनाएको बार्साले गोल गर्ने थप अबसरको भने सदुपयोग गर्न नसक्दा अपराजित रहदै ला लिगाको अन्त्य गर्ने उसको सपना चकनाचुर भएको हो । ईमानुएल बोटेङको ह्याट्रिक तथा ईनिस बार्दिको २ गोल मद्दतमा लेभान्तेले जित निकालेको हो । नवौँ मिनेटमा पहिलो गोल गरेका बोटेङले ३० र ४९ औँ मिनेटमा गोल गर्दै ह्याट्रिक पुरा गरेका थिए । खेलको ५९ औँ मिनेटसम्म ५–१ ले पछि परेको बार्साले दोस्रो हाफमा उत्कृष्ट पुनरागमन गर्दै ३ गोल थपेको थियो । फिलिप काउटिन्होले ह्याट्रिक गरेको खेलमा लुईस स्वरेजले १ गोल थपेका थिए ।

यद्यपी त्यो जितका लागी पर्याप्त बन्न सकेन । काउटिन्होले ३८, ५९ र ६४ औँ मिनेटमा गोल गर्दै ह्याट्रिक पुरा गरेका थिए । जारी सिजनको ला लिगामा एक मात्र खेल बाँकी रहदा बार्सिलोना २७ जित ९ बराबरी र १ हारका साथ तालिकाको शीर्ष स्थानमा छ । अर्को खेलमा स्पानियोलले रेलिगेशनमा परेको मालागालाई ४–१ गोल अन्तरले पराजित गर्यो । जितका बावजुत पनि स्पानियोल भने तालिकाको १४ औँ स्थानमा छ ।