एजेन्सी - भारतको जोधपुर अदालतले कालो हरिण शिकार मामिलामा बलिउडका सुपरस्टार सलमान खानलाई दोषी ठहर गर्दै पाँचवर्षको जेल सजाय सुनाएको छ । सलमान खानले तोकिएको सजायअनुसार पाँचवर्ष जेलमा कटाउनुपरे बलिउड फिल्म इन्डष्ट्रिजलाई करोडौं रुपैयाँ बराबरको नोक्सान ब्यहोर्नुपर्नेछ ।

सन् १९९९ मा प्रदर्शित फिल्म ‘हम साथ साथ हैं’ को छायांकनका दौरान कालो हरिण मारेको आरोपमा सलमान खानलाई दोषी ठहर गरिएको हो ।

१५० करोडको फिल्म रेस–३
अहिले सलमान खानको आगामी फिÞल्म ‘रेस ३’ को छायांकन चलिरहेको छ । सलमान खानको मुख्य भूमिका रहेको यो फिल्मको कुल बजेट १५० करोड़ रुपैयाँ रहेको छ । यो फिल्मको छायांकन सम्पन्न भएको छैन । सलमान खानलाई सजय भए यो प्रोजेक्ट अधुरो रहन सक्छ । जसका कारण निर्माताको मोटो रकम फस्ने निश्चित छ ।

दबंग–३ को बजेट १०० करोड
‘दबंग’ सिरीजको तेस्रो भाग ‘दबंग ३’ को छायांकन चाँडै नै शुरु हुने भएको छ । यो फिल्मका दुवै भागमा सलमान खान र सोनाक्षी सिन्हाले अभिनय गरेका थिए । तेस्रो भागमा पनि सलमान खान देखिने निश्चितप्रायःथियो । यस फिल्मको बजेट झन्डै १०० करोड रहेको छ ।

कयौं फिल्मको प्री–प्रोडक्शन
फिल्म ट्रेड समीक्षक अमोद मेहराले ‘रेस ३’ बाहेक लिमान खानका बाँकी फिल्महरु ‘दबंग ३’, ‘किक २’ र ‘भारत’ मा कुनै पनि फिल्मको छायांकन सुरु नभएको बताएका छन् । तर फिल्म शुरू हुनु अगावै प्री–प्रोडक्शनको काम भने शुरू भइसकेको छ । जसमा कम्तीमा पनि एक सय करोड रुपैयाँ लगानी भइसकेको छ ।

टीभी शो पनि दाउमा
सलमान खानका फिल्ममात्रै नभएर उनको टेलिभिजन रियालिटी शो पनि दाउमा लागेको छ । उनी १० वर्षपछि फेरि ‘दस का दम’ ल्याएर टेलिभिजनमा कमब्याक हुने तयारीमा थिए । यो गेम शोको प्रोमो पनि सार्वजनिक भइसकेको छ । छिट्टै प्रदर्शनमा आउने भनिएको यो शो मा सलमान खान प्रस्तोताका रुपमा देखिने बताइएको थियो । यसका साथै सलमान खान टीभी शो बिग बोसमा प्रस्तोताको भूमिका निभाउँदै आएका थिए । यद्यपि यो शो को सीजन–१२ का लागि प्री–प्रोडक्शनको घोषणा भने भइसकेको छैन ।

ओडीसीको आठ करोड जोखिममा
त्यस्तै, ओडिसी इन्टरनेसनलले अहिलेसम्म ओडीसीले कार्यक्रमका लागि करिब आठ करोड खर्च भइसकेको बताएको छ । उसका अनुसार आठ करोडमध्ये पाँच करोड सलमानसहित १ सय १० भारतीय कलाकार र प्राविधिकहरुको खातामा जम्मा गरिएको पारिश्रमिक हो भने बाँकी नेपालमा गरिएको विज्ञापन, लजिस्टिक र अन्य व्यवस्थापकीय खर्च । सलमान खानसंगै अन्य बलिवुड कलाकार नेपाल ल्याउने भन्दै नेपाली दर्शकसंग समेत ओडिसीले करोडौं रुपैयाँ अग्रिम अशुल गरिसकेको छ ।

फागुन २६ गते नेपाल आउने भनी तय गरिएको कन्सर्ट कार्यक्रम बिप्लव माओवादीले बिथोल्ने धम्कि दिएपछि तत्कालका लागि स्थगित भएको थियो । सलमान जेल गए संगै ओडीसीको आठ करोड जोखिममा परेको छ । अब त्यो पैसा दर्शकले कहिले र कसरी फिर्ता पाउछन चांसोको विषय बनेको छ ।

भारतीय कलाकारहरुलाइ पठाइएको उक्त रकम फिर्ता होला त ? उनीहरुबाट पैसा फिर्ता आएको खण्डमा पनि ओडीसीलाई ४ करोड अझै घाटा हुन्छ । किनकी नेपालमा भएको सो खर्च फिर्ता हुन सक्दैन । पहिले घोषित मितिमा शो नहुँदा नै ओडीसीलाई करोडौं घाटा लागिसकेको छ ।