साफ च्याम्पियनसिप : नेपालले आज भारतसँग खेल्दै

2021-10-10

काठमाडौं - माल्दिभ्समा भइरहेको साफ च्याम्पियनसिप २०२१ अन्तर्गत नेपालले आज भारतको सामाना गर्दैछ । नेपाल र भारतबीचको खेल मालेस्थित नेशनल स्टेडियममा नेपाली समयअनुसार राती ९:४५ बजे सुरु हुनेछ ।

प्रतियोगितामा अहिलेसम्म दुई खेल खेल्दा नेपाल र भारत फरक स्थितिमा छन् । ५ राष्ट्र सम्मिलित प्रतियोगितामा राउण्ड रोविन लिगका आधारमा खेल भइरहँदा नेपालले सुरुवाती दुई खेल जितेर ६ अंक जोडेको छ र फाइनल पुग्ने सम्भावना बलियो बनाएको छ । अर्कोतर्फ भारतले सुरुवाती दुई खेल जित्न सकेन । लगातार दुई बराबरीबाट भारतको २ अंक छ ।

यस्तो अवस्थामा दुवै टोलीलाई आजको खेल महत्वपूर्ण छ । नेपालले भारतलाई पराजित गरेमा एक खेल खेल्नुअघि नै फाइनल पुग्नेछ । यस्तोमा नेपाल साफ च्याम्पियनसिपमै पहिलो पटक फाइनल पुग्नेछ । बराबरी वा पराजित भएमा भने नेपालले अन्तिम खेलसम्म कुर्नुपर्नेछ । उता भारतलाई जित निश्चित रुपमा आवश्यक छ ।

फाइनल पुग्ने सम्भावना कायम राख्न पनि भारत जित चाहन्छ । हारले भने सर्वाधिक ७ पटकको च्याम्पियन भारतलाई फाइनल पुग्न कठिन हुनेछ ।

आजै घरेलु टिम माल्दिभ्स र श्रीलंकाबीच पनि खेल हुनेछ । ४:४५ मा हुने उक्त खेल माल्दिभ्सले जितेमा र भारत नेपालसँग पराजित भएमा भने भारत फाइनल होडबाट बाहिरिनेछ ।

यसअघि नेपालले पहिलो खेलमा माल्दिभ्सलाई १-० र श्रीलंकालाई ३-२ ले पराजित गरेको थियो । भारतले भने पहिलो खेलमा बंगलादेशसंग १-१ र त्यसपछि श्रीलंकासँग गोलरहित बराबरी खेलेको थियो ।

नेपाल २ खेलबाट ६ अंकसहित शीर्ष स्थानमा रहँदा उति नै खेलबाट २ अंक रहेको भारत चौथो स्थानमा छ ।

नेपालले ८ वर्षयता भारतलाई पराजित गर्न सकेको छैन र संयोग के छ भने साफमा पनि नेपालले भारतलाई त्यही एक पटक मात्र हराएको छ । सन् २०१३ मा नेपालमै भएको साफमा समूह चरणमा नेपालले भारतलाई २-१ ले पराजित गरेको थियो । अहिलेसम्म साफमा भारतसँगको ६ भेटमा नेपाल ५ पटक पराजित भएको छ ।

त्यसैले पनि नेपाल भारत विरुद्ध ८ वर्षपछि पहिलो जितको खोजीमा छ । साफमा पनि दोस्रो पटक भारतलाई हराउने नेपालको लक्ष्य छ ।

इतिहास हेर्ने हो भने पनि भारत धेरै माथि छ । अहिलेसम्मको २१ खेलमध्ये नेपालले जम्मा २ खेल मात्र जितेको छ । भारतले १४ खेल जित्दा ५ खेल बराबरीमा सकिएको थियो ।

एक महिनाअघि नेपालले भारतसंग दशरथ रंगशालमा दुई मैत्रीपूर्ण खेल खेल्दा एक खेल १-१ को बराबरीमा सकिएको थियो भने अर्को खेलमा नेपाल २-१ ले पराजित भएको थियो ।

दक्षिण एसियामा भारत बलियो राष्ट्रको रुपमा रहेपनि यस पटक साफमा भने त्यो छनक देखिएको छैन ।

शनिवार भएको प्रि म्याच कन्फ्रेन्समा भने नेपालका प्रशिक्षकअबदुल्लाह अलमुताइरीले भारत बलियो टिम भएको खेल कठिन हुने बताए । उनले भारतले जित्ने सम्भावना ९५ प्रतिशत रहेको समेत बताउँदै नेपालले जित्ने सम्भावना १ प्रतिशत रहेको बताए ।

भारत ७ पटकको विजेता भएको भारत नै बलियो रहेको तर नेपालले नडराई खेल्ने उनले बताएका थिए । यस्तै अलमुताईरीले नेपाल अहिले नै फाईनल नपुगेको भन्दै समर्थकलाई संयमित रहन पनि आग्रह गरेका थिए ।

नेपालका कप्तान किरण कुमार चेम्जोङ भारत विरुद्धको खेल महत्वपूर्ण रहेको भन्दै हरेक पाइला सोच विचार गरेर चाल्नुपर्ने बताए ।

भारतका प्रशिक्षक ईगोर स्टिमेकले भारतको लक्ष्य साफ जित्नु नै रहेकाले मानसिकतामा परिवर्तन नभएको बताए । साथै उनले नेपालले राम्रो खेलिरहेको भन्दै ६ अंकका लागि लायक रहेको समेत बताए ।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...




ट्रेन्डिङ