चलचित्र निर्देशक जितेन्द्र राजोपाध्यायको निर्देशनमा बनेको वेब सिरिज 'गब्जेरो' को दोश्रो एपिसोड युट्युबमा सार्वजनिक भएको छ। किड्न्याप, डनगिरि सम्बन्धी सस्पेन्स कहानी बताउने उपरोक्त सिरिजलाई निर्देशक स्वयंले लेखन, छायांकन तथा सम्पादन गरेका हुन्।

भिडियोमा संदेश श्रेष्ठ, बिजेन श्रेष्ठ, अमिन प्रजापति, संजित तामाङ्ग, दिनेश स्ठापित, अमित राजोपाध्याय, सजेश शर्मा र डिजोन मोक्तानले अभिनय गरेका छन्।

यस एपिसोडमा धने डनको टिमले एकैपटक मोटो रकम कमाउन मान्छे अपहरण गर्ने सल्लाह गर्छन तर आफ्नै बडाडनको अस्ट्रेलियाबाट फर्कंदै गरेको छोरीलाई एअरपोर्टबाट किड्न्याप गरेको थाहा लागेपछि सबैको भागाभाग हुन्छ। तर किन त्यसो हुन पुग्यो भन्ने कुरा यो एपिसोडमा सस्पेन्स राखिएको छ।