यातायात व्यवसायीद्वारा सरकारलाई दबाब, बुझाए सवारी साधनको साँचो

2021-07-25

काठमाडौं - आफूहरुका माग पूरा गर्न दबाब दिँदै यातायात व्यवसायीहरुले सरकारलाई सवारी साधनको साँचो बुझाएका छन्।

सार्वजनिक यातायात केन्द्रीय महासंघको अगुवाइमा आइतवार यातायात व्यवसायीहरुले प्रमुख जिल्ला अधिकारीमार्फत प्रधानमन्त्रीलाई सवारी साधनको साँचो बुझाएका हुन्।

यसअघि विभिन्न ७ बुँदे माग राखेर सरकारलाई ज्ञापन पत्र बुझाएका उनीहरुले माग सम्बोधन गर्नेप्रति सरकार गम्भीर नभएको भन्दै थप दबाब दिन आइतबार साँचो बुझाएका हुन्।

यातायात व्यवसायीहरुले यातायातसँग सम्बन्धित व्यक्तिहरुलाई कोभिड-१९ विरुद्धको खोप लगाइनुपर्ने, २० वर्ष पुराना गाडीलाई प्राविधिक चेकजाँचको आधारमा थप १० वर्ष चलाउन दिनुपर्ने, यातायातको भाडा समायोजन गर्नुपर्ने लगायतका माग अगाडि सारेका छन्।

यस्तै, कोरोना भाइरस संक्रमको महाकारीका कारण जारी बन्दाबन्दी (लकडाउन र निषेधाज्ञा)को अवधिलाई शून्य समय मान्दै मौद्रिक नीतिमार्फत यातायात व्यवसायीलाई थप कर्जा, पुनर्कर्जा, कर्जा पुनर्तालिकीकरणहित ब्याजदरमा कम्तीमा बेस रेट कायम गर्नुपर्ने पनि उनीहरुको माग छ। व्यवसायीहरुले सवारी दुर्घटनाको गम्भीर उपचारमा २० लाखसम्मको बिमा हुनुपर्ने पनि माग गरेका छन्।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...




ट्रेन्डिङ