काठमाडौं - नेपालमा पछिल्लो २४ घण्टामा ७ हजार २१९ जना संक्रमित कोरोनामुक्त भएका छन्। यससँगै नेपालमा कोरोनामुक्त हुनेको संख्या ४ लाख ६१ हजार ५६३ पुगेको छ।

स्वास्थ्य तथा जनसंख्या मन्त्रालयका अनुसार २४ घण्टामा संक्रमित हुनेभन्दा निको हुनेको संख्या धेरै छ। २४ घण्टामा ५ हजार ३१६ जना संक्रमित थपिएका छन्।

नेपालमा जम्मा संक्रमितको संख्या भने ५ लाख ७१ हजार ९०३ पुगेको छ। यसमध्ये ७ हजार ५५५ जनाको निधन भएको छ।

काठमाडौं उपत्यकामा पछिल्लो २४ घण्टामा १ हजार ४५६ कोरोना संक्रमित थपिएका छन्। विभिन्न प्रयोगशालाहरुमा पीसीआर विधिबाट गरिएको परीक्षणका क्रममा उपत्यकाका तीन जिल्लामा गरी १ हजार ४५६ जनामा संक्रमण पुष्टि भएकाे हाे।

थपिएकामध्ये सबैभन्दा धेरै काठमाडौंका ९६९ रहेका छन्। यस्तै, भक्तपुरमा १८१ र ललितपुरमा ३०६ संक्रमित थपिएकाे स्वास्थ्य तथा जनसंख्या मन्त्रालयले जनाएको छ।

नेपालमा पछिल्लो २४ घन्टामा कोरोना संक्रमणका कारण थप १०१ जनाको मृत्यु भएको छ।

बुधबार स्वास्थ्य तथा जनसंख्या मन्त्रालयका सहायक प्रवक्ता समिरकुमार अधिकारीले प्रेस ब्रिफिङका क्रममा दिएको जानकारी अनुसार देशका विभिन्न भागमा गरि पछिल्लो २४ घन्टामा थप १०१ जनाको मृत्यु भएको छ।