काठमाडौं - काठमाडौं उपत्यकामा आज बिहानदेखि निषेधाज्ञा लागु भएको छ। निषेधाज्ञाबीच सवारीसाधन चलाउनेलाई बिहानैदेखि प्रहरीले नियन्त्रणमा लिन थालेको छ।

ट्राफिक प्रहरीले उपत्याकाका विभिन्न ४० स्थानमा चेक प्वाइन्ट बनाई सवारी जाँच गरिरहेको ट्राफिक प्रमुख एसएसपी जनकराज भट्टराईले बताए।

हालसम्म विनाअनुमति चलाएका २ सयभन्दा बढी दुई चारपांग्रे र दुईपांग्रे सवारीसाधन नियन्त्रणमा लिइसकेको ट्राफिक प्रहरीको भनाइ छ।

नियन्त्रणमा दिइएका सवारीसाधन आवश्यक कारबाहीपछि बेलुका ७ बजेमात्र छाडिने एसएसपी भट्टराईले बताए।

कोरोना महामारी नियन्त्रणका लागि भन्दै काठमाडौं, भक्तपुर तथा ललितपुरका प्रमुख जिल्ला अधिकारीहरु (सिडिओ)को संयुक्त बैठकले निषेधाज्ञाको निर्णय गरेको हो।