काठमाडाैं - थ्री नेसन्स कप टी-२० क्रिकेट सिरिजअन्तर्गत नेदरल्यान्ड्सविरुद्धको जारी खेलमा कुशल भुर्तेलले अर्धशतक पूरा गरेका छन्। नेदरल्यान्ड्सविरुद्धकै पहिलो खेलमा डेब्यु गरेका उनको यो लगातार तेस्रो अर्धशतक हो।

कीर्तिपुरस्थित त्रिवि क्रिकेट मैदानमा जारी खेलमा डेब्युदेखि लगातार ३ खेलमा अर्धशतक प्रहार गरेका उनी मंगलबार ६२ रन बनाएर आउट भएका हुन् । ४६ बल खेलेका उनले ८ चौका र एक छक्का हानेका थिए ।

शनिबार भएको डेब्यु खेलमा उनले नेदरल्यान्ड्सविरुद्ध ६२ नै रनको अर्धशतकीय इनिङ्स खेलेका थिए। यस्तै सोमबार मलेसियाविरुद्धको खेलमा कुशलले अविजित रहँदै ६१ रनको अर्धशतकीय इनिङ्स खेलेका थिए।