जनमत पार्टीको अध्यक्षमा सिके राउत

2021-04-12

काठमाडौं - जनमत पार्टीको अध्यक्षमा सिके राउत निर्वाचित भएका छन्। जनकपुरमा गत शनिबार सुरु भएको प्रथम महाधिवेशनले राउतलाई अध्यक्षमा निर्वाचित गरेको हो। अध्यक्षमा राउतको मात्रै उम्मेदवारी परेको थियो।

तैपनि मतदान गरिएको थियो। ४ हजार ५ सय प्रतिनिधिहरुले मत खसालेकोमा राउतले २३०२ मत पाएका थिए। उनी यसअघि पनि सो पार्टीका अध्यक्ष थिए।

त्यस्तै, बढीमा सात जना निर्वाचित हुनसक्ने उपाध्यक्ष पदमा चार जनाले मात्रै उम्मेदवारी दिएका थिए। जसमा, मो. अब्दुल खान, बसन्त कुमार कुशवाहा, दीपककुमार साह र नरेन्द्र प्रसाद चौधरी निर्वाचित भएका छन्।

महासचिवमा चन्दनकुमार सिंह निर्वाचित भएका छन्। सो पदमा उनको मात्रै उम्मेदवारी परेको थियो।

त्यस्तै, खुला केन्द्रीय सदस्यमा २३ जना निर्वाचित भएका छन्। गैरआवासीय मधेसी संघतर्फका ४ सिटमा कसैको उम्मेदवारी परेको थिएन। १५ जना महिला केन्द्रीय सदस्यमा जम्मा ८ जनाको उम्मेदवारी परेको थियो।

केही वर्ष स्वतन्त्र मधेसको अभियान चलाएका राउतले २०७५ फागुन २४ मा ११ बुँदे सहमति भएको थियो। त्यसपछि उनले मूलधारको राजनीति गर्दै चुनावी प्रतिस्पर्धाको बाटो अपनाएका छन्।




थप समाचार


माओवादी केन्द्र संसदीय दलको नेतामा प्रचण्ड

माओवादी केन्द्र संसदीय दलको नेतामा प्रचण्ड

काठमाडौं - नेपाल कम्युनिस्ट पार्टी (माओवादी केन्द्र)ले संसदीय दलको नेतामा पार्टी अध्यक्ष पुष्पकमल दाहाल प्रचण्डलाई चयन गरेको छ। सर्वोच्च अदालतले नेकपा (माओवादी केन्द्र)लाई ब्युँताइसकेपछि मंगलबार सिंहदरबारस्थित ...

नेकपा एमालेको केन्द्रीय कमिटी बैठक चैत १ देखि

नेकपा एमालेको केन्द्रीय कमिटी बैठक चैत १ देखि

काठमाडौं - नेकपा एमालेको केन्द्रीय कमिटी बैठक चैत १ देखि बस्ने भएको छ। नामको विवादसम्बन्धी मुद्दाको फैसला गर्दै सर्वोच्च अदालतले माओवादी केन्द्रसँगको एकता तोडिदिए पछिको ...

नेकपा औपचारिक रुपमा खारेज, एमाले र माओवादी पुरानै अवस्थामा

नेकपा औपचारिक रुपमा खारेज, एमाले र माओवादी पुरानै अवस्थामा

काठमाडौं - निर्वाचन आयोगले केपी शर्मा ओली र पुष्पकमल दाहाल ‘प्रचण्ड’को नाममा रहेको नेपाल कम्युनिस्ट पार्टी (नेकपा) औपचारिक रुपमा खारेज गरेको छ। मंगलबार बसेको आयोगको पदाधिकारी ...




ट्रेन्डिङ