मूल्यवृद्धि ३ प्रतिशतभन्दा तल, निर्माण सामग्रीमा ६.२५ ले मूल्यवृद्धि

2021-03-16

काठमाडौं - चालु आर्थिक वर्षको सातौँ महिना (माघ)मा आइपुग्दा मूल्यवृद्धि तीन प्रतिशतभन्दा कममा झरेको छ। नेपाल राष्ट्र बैंकका अनुसार माघमा वार्षिक विन्दुगत उपभोक्ता मूल्यवृद्धि २.७० प्रतिशत रहेको छ।

अघिल्लो वर्षको माघमा मूल्यृद्धि ६.८७ प्रतिशत थियो। माघ महिनामा खाद्य तथा पेयपदार्थ समूहको मूल्यवृद्धि ३.०२ प्रतिशत र गैरखाद्य तथा सेवा समूहको मूल्यवृद्धि २.४४ प्रतिशत छ।

राष्ट्र बैंकका अनुसार २०७६ माघको तुलनामा २०७७ माघमा फलफूल, घिउ तथा तेल, दाल तथा गेडागुडी र सुर्तीजन्य वस्तुहरु उपसमूहको मूल्यवृद्धि क्रमशः १८.८४ प्रतिशत, १८.१४ प्रतिशत, १०.४१ प्रतिशत र १०.४१ प्रतिशत रहेको छ।

माघ महिनामा काठमाडौं उपत्यकामा २.१२ प्रतिशत, तराईमा २.७८ प्रतिशत, पहाडमा ३.३० प्रतिशत र हिमालमा २.०५ प्रतिशत मूल्यवृद्धि भएको छ। २०७६ माघमा यी क्षेत्रहरुमा क्रमशः ७.५८ प्रतिशत, ७.२९ प्रतिशत, ५.४६ प्रतिशत र ५.२८ प्रतिशत मूल्यवृद्धि रहेका थिए।

२०७७ माघमा वार्षिक विन्दुगत थोक मूल्यवृद्धि ६.१२ प्रतिशत रहेको राष्ट्र बैंकले जानकारी दिएको छ। अघिल्लो वर्षको माघमा यस्तो मूल्यवृद्धि ७.१३ प्रतिशत थियो। यो अवधिमा उपभोग्य वस्तु, मध्यवर्ती वस्तु र पुँजीगत वस्तुको थोक मूल्यवृद्धि क्रमशः ८.४१ प्रतिशत, ५.३३ प्रतिशत र ३.३९ प्रतिशत छ। माघमा निर्माण सामग्रीको थोक मूल्यवृद्धि ६.२५ प्रतिशत छ।




थप समाचार


देशको चालु खाता एक खर्ब एक अर्ब ९० करोड घाटामा

देशको चालु खाता एक खर्ब एक अर्ब ९० करोड घाटामा

काठमाडौं - मुलुकको चालु खाता एक खर्ब एक अर्ब ९० करोडले घाटामा पुगेको छ। अघिल्लो वर्षको सोही अवधिमा चालु खाता एक खर्ब ६ अर्बले घाटामा ...

सात महिनामा ५ खर्ब ६७ अर्ब रेमिट्यान्स भित्रियो

सात महिनामा ५ खर्ब ६७ अर्ब  रेमिट्यान्स भित्रियो

काठमाडौँ - चालु आर्थिक वर्षको सात महिनामा देशमा ५ खर्ब ६७ अर्ब ७० करोड रुपैयाँ रेमिट्यान्स भित्रिएको छ । नेपाल राष्ट्र बैंकले सार्वजनिक गरेको देशको ...

महामारीमा बैंकहरुले ऋणीलाई दिए १३ अर्ब रुपैयाँ बराबरको ब्याज छुट

महामारीमा बैंकहरुले ऋणीलाई दिए १३ अर्ब रुपैयाँ बराबरको ब्याज छुट

कोरोना महामारीमा बैंक, वित्तीय संस्थाले ऋणीलाई करिब १३ अर्ब रुपैयाँ बराबरको ब्याज छुट दिएका छन् । नेपाल राष्ट्र बैंकले कोरोना प्रभावित व्यवसायीलाई टाट पल्टिनबाट बचाउन ...




ट्रेन्डिङ