काठमाडाैं - सरकारी पक्षसँग वार्ता सफल भएपछि नेत्र विक्रम चन्द ‘विप्लव’ पूर्वी नवलपरासीको अमरापुरीबाट सार्वजनिक भएका छन्। वार्ता सहमतिमा पुगेर काठमाडाैंमा स‌युंक्त सभा गर्ने सहमति भएसँगै नेकपाका महासचिव ‘विप्लव’को पहिलो तस्बिर सार्वजनिक समेत भएको छ ।

सरकारले प्रतिबन्ध लगाएसँगै उनले भूमिगत भएर आफ्ना गतिविधि गरिरहेका थिए । करिब तीन वर्ष भूमिगत भएका विप्लव आम जनताका बिच आज दिउँसो दुई बजे राष्ट्रिय सभागृहमा सार्वजनिक हुँदैछन् ।

महासचिव ‘विप्लव’ नवलपरासीमा सहिद परिवार भेट गरी काठमाडौका लागि प्रस्थान गरेका छन् । सरकार र ‘विप्लव’ पक्षवीच बिहीबार तीन बुँदे सहमति भएको थिए। जसअनुसार शुक्रबार राष्ट्रिय सभागृहमा प्रधानमन्त्री केपी शर्मा ओली र ‘विप्लव’ले एउटै मञ्चबाट सम्बोधन गर्दै छन्। 

गृह मन्त्रालयले ‘विप्लव’ का लागि हेलिकप्टरको व्यवस्था गरेपनि उनी गाडीमै काठमाडौं आउन लागेका हुन्।

‘विप्लव’ नेतृत्वको नेकपाले आफ्ना सम्पूर्ण राजनीतिक क्रियाकलापहरु शान्तिपूर्ण रुपमा सञ्चालन गर्ने सहमति भएपछि प्रतिबन्ध फुकुवा, मुद्धा खारेजी र सम्पूर्ण नेता कार्यकर्ता रिहाइ गरिने भएकाे छ।