सिंहदरबारभित्रका अधिकांश क्यान्टिनमा मिति गुज्रिएका र गुणस्तरहीन खाद्यवस्तु

2021-02-20

काठमाडौं- मुलुकको प्रमुख प्रशासनिक केन्द्र सिंहदरबारभित्रका अधिकांश चमेनागृहहरूमा म्याद गुज्रिएका र अखाद्य वस्तुहरु बिक्री वितरण हुने गरेको पाइएको छ। 

वाणिज्य आपूर्ति तथा उपभोक्ता संरक्षण विभाग र खाद्य प्रविधि तथा गुण नियन्त्रण विभागले शुक्रबार गरेको संयुक्त अनुगमनका क्रममा सिंहदरबारभित्रका चमेनागृहहरुमा उपभोग्य मिति सकिएका सामान बेच्न राखेको, सरसफाइमा लापरबाही गरेको तथा अप्रमाणित नापतौल मेसिन प्रयोग गरेको भेटिएको हो। 

सिंहदरबारभित्रका कर्मचारी र सेवाग्राही लक्षित केन्द्रिय क्यान्टिन (कन्चन चमेना गृह), अर्थ मन्त्रालय परिसरमा संचालित क्यान्टिन म्यानेजमेन्ट सर्भिस र उद्योग, वाणिज्य तथा आपूर्ति मन्त्रालय परिसरमा संचालित गोसाइँकुण्ड भोजनालयमा मापदण्ड विपरीतका खाद्यवस्तु बिक्री वितरण भएको भेटिएको हो।

वाणिज्य विभागका प्रवक्ता शिवराज सेढाईंकाअनुसार ती चमेनागृहहरुले नियमन, व्यवसाय संचालन तथा कारोबार सम्बन्धी कागजातसमेत देखाउन सकेनन्। उनका अनुसार उपभोग्य म्याद सकिएका खाद्य वस्तु बेचेको, भान्सामा फोहोर गरेको तथा सरसफाइमा लापरबाही गरेको र नापतौलका लागि राखिएका मेसिनहरुसमेत अप्रमाणित रहेको भेटिएको छ। 

ती क्यान्टिनहरुबाट ३ हजार १ सय ४५ रुपैयाँ बराबरको पेय पदार्थ र बेच्न राखिएका अरु खाद्य सामग्री बरामद गरी नष्ट गरिएको पनि विभागले जनाएको छ। त्यस्तै, केन्द्रीय क्यान्टिनलाई १० हजार रूपैयाँ जरिवाना गरिएको र व्यवसाय संचालन तथा कारोबारसँग सम्बन्धित कागजातहरु पेश गर्न पनि निर्देशन दिईएको छ।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...




ट्रेन्डिङ