देउखुरी समाचारदाता
देउखुरी, फागुन । देशभर महिला हिंसाको घटना बढेको भन्दै विद्यार्थीले प्रदर्शन थालेका छन् । पटक पटक बाबालिका तथा किशोरीहरु बलत्कृत हुने गरेको र दोषिले उन्मुक्ती पाइरहेको भन्दैले सडक तताएका हुन । आइतबार देउखुरी बहुमुखी क्याम्पसमा अध्यनरत विद्यार्थीहरुले निर्मैला पन्त, भगरथी भट्ट लगायत देशभर बलत्कार पछि हत्या गरिएका र हिंसामा परेका महिलाहरु लाई न्याय दिलाउन माग गर्दै विद्यार्थीहरुले नाराजुलस सहित ¥याली गरेका हुन ।

भगरथी लाई न्याय दे, बलत्कारीलाई फाँसी दे,नालायक सरकार मुर्दावाद ,नारी सुरक्षा कायम गर लेखिएका प्लेकार्ड बोकेका विद्यार्थीले देउखुरी बहुमुखी क्याम्पसबाट ¥याली शुरु गरी लमही बजारको परीक्रमा पश्चात कोणसभा गरेका हुन । कोणसभालाई शम्बोधन गर्ने विद्यार्थी नेताहरुले सरकारको असक्षमताका कारण महिला हिंसाका घटना बढेको भन्दै जतीसक्दो छिटो बलत्कारीलाई नियन्त्रणमा लिइ कडा कारवाही गर्न माग गरेका थिए ।

यस्तै विद्यार्थीहरुले महिला संवेदनसिलतामा सरकार उदासिन भएको, सरकारले सत्ता र शक्तिको दुरुपयोग गरेको, बलत्कारीलाई लाई नियन्त्रणमा लिन नसकेर सरकारको असफलता पुष्ट्रि भएको आरोप लगाएका थिए । कोणसभामा अनेरास्वीयूका कल्याण अधिकारी, नेपाल विद्यार्थी संघका सुमन कालाथोकी,अनेरास्वयिुका भरत भुसाल, मिना पोख्रेल, दिपेन्द्र पुलामी लगायतले शम्बोधन गर्नुभएको थियो ।