काठमाडौं - काठमाडौंको गुर्जुधारामा टिपरको ठक्करबाट दुई जना पैदलयात्रीको मृत्यु भएको छ। चन्द्रागिरि नगरपालिका–१२ गुर्जुधारामा काठमाडौं आयल स्टोर नजिकै राती १० बजेतिर टिपरले ठक्कर दिएपछि दुई जनाको घटनास्थलमा नै मृत्यु भएको प्रहरीले जानकारी दिएको छ।

मृत्यु हुनेमा धादिङ गल्छीका २७ वर्षीय अभय लामा र चितवनका २५ वर्षीय सुभास गमाल छन्। बा ४ ख २५७७ नम्बरको टिपरले बाटो काट्दै गरेका लामा र गमाललाई ठक्कर दिएको र उनीहरुको घटनास्थलमा नै मृत्यु भएको महानगरीय प्रहरी वृत्त थानकोटका डिएसपी घनश्याम श्रेष्ठले जानकारी दिए।

टिपर र चालक रामचन्द्र थापालाई अहिले प्रहरीले नियन्त्रणमा लिएको छ।