काठमाडौँ - चर्चित गायक बिश्व नेपाली र अस्मिता परियारको स्वर रहेको 'आकाशै को' बोलको गीतको भिडियो रिलिज गर्ने तयारी गरिएको छ । हालै उक्त भिडियोको पोस्टर सार्बजनिक गरिएको छ । आनन्द राईको संगीत रहेको गीतमा डा. राजु बाबु श्रेष्ठको शब्द र गोपाल रसाईलीको संगीत संयोजन रहेको छ । भिडियो कार्तिक २४ गते ट्री इन्टरटेन्मेन्टको युट्युब च्यानल मार्फत रिलिज गरिनेछ । अस्मिताको यो दोस्रो गीत हो । केहि समय अघि उनको स्वरमा 'कुन शुरुवात' बोलको गीत सार्बजनिक गरिएको थियो ।

दिपेश सापकोटाले निर्देशन गरेको भिडियोमा रोचक जोशी र मुना गौचनको अभिनय देख्न सकिन्छ । रोचकको यो डेब्यु भिडियो हो ।कानुन विषयमा स्नातक गरेका रोचक हाल एभरेस्ष्ट फिल्म एकेडेमीमा फिल्म अध्ययन गरिरहेका छन् । त्यस्तै 'फेस अफ क्लासिक डायमंड २०१७' विजेता मुनाले केहि समय अघि 'रंग लगाया तुने' बोलको हिन्दि गीतको भिडियोमा पनि अभिनय गरेकी थिईन् ।