चेन्नाई सुपर किंग्स हैदराबादसंग ७ रनले पराजित

2020-10-03

काठमाडौं - सनराइजर्स हैदराबादले इन्डियन प्रिमियर लिग (आइपिएल) क्रिकेटमा दोस्रो जित निकालेको छ। शुक्रबार राति भएको खेलमा हैदराबादले चेन्नाई सुपर किंग्सलाई ७ रनले पराजित गरेको हो।

१६५ रनको चुनौती पछ्याउँदै ब्याटिङ गरेको चेन्नाईले निर्धारित २० ओभरमा ५ विकेटको क्षतिमा १५७ रन मात्रै बनाएपछि हैदराबादले रोमाञ्चक जित निकालेको हो। चेन्नाईका लागि कप्तान महेन्द्रसिंह धोनी र रविन्द्र जडेजाले ७२ रनको साझेदारी गरे पनि हारबाट जोगाउन सकेन। जडेजाले ३५ बलमा ५० रन बनाए। त्यस्तै, कप्तान धोनीले अविजित ४७ रन बनाउँदा फाफ डु प्लेसिसले २२ र साम कुरनले १५ रन बनाए।

दुबई अन्तर्राष्ट्रिय क्रिकेट मैदानमा टस जितेर पहिले ब्याटिङ रोजेको हैदराबादले खराब सुरुवात गरेको थियो। तर अभिषेक शर्मा र प्रियम गर्गले ७७ रनको साझेदारी गरेपछि हैदराबादले निर्धारित २० ओभरमा ५ विकेटको क्षतिमा १६४ रन बनायो। प्रियमले २६ बलमा अविजित ५१ रन बनाए। त्यस्तै अभिषेकले ३१, मनिष पाण्डेले २९ र डेविड वार्नरले २८ रनको योगदान दिए। बलिङतर्फ चेन्नाईका दीपक चाहारले २ विकेट लिए।

यो हैदराबादको चौथो खेलमा दोस्रो जित हो। पहिलो खेलमा रोयल च्यालेन्जर्स बैंग्लोरसँग १० रनले पराजित भएको हैदराबादले दोस्रो खेलमा कोलकत्ता नाइट राइडर्ससँग ७ विकेटको हार ब्यहोरेको थियो। आफ्नो तेस्रो खेलमा भने दिल्ली क्यापिटल्सलाई १५ रनले पराजित गरेको थियो। यता, चेन्नाईको भने चौथो खेलमा यो लगातार तेस्रो हार हो। पहिलो खेलमा डिफेन्डिङ च्याम्पियन मुम्बई इन्डियन्सलाई ५ विकेटले पराजित गरेको चेन्नाई त्यसपछिका खेलमा भने राजस्थान रोयल्ससँग १६ र दिल्ली क्यापिटल्ससँग ४४ रनले पराजित भएको थियो।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...




ट्रेन्डिङ