यती डेभलपमेन्ट बैंक लिमिटेडले चालु आर्थिक वर्षको तेस्रो त्रैमासमा २१ करोड ७१ लाख रुपैयाँ खुद मुनाफा  आर्जन गरेको छ । बैंकले गत आर्थिक वर्षको सोही अवधिको तुलनामा तीन दशमलव ८२ प्रतिशत बढी नाफा कमाएको हो । ले बढी हो । बैंकले गत वर्षको सोहि अवधिमा २० करोड ९८ लाख रुपैयाँ कमाएको थियो ।

एक अर्ब ३८ करोड रुपैयाँ चुक्तापुँजी भएको बैंकले जगेडा कोषमा २२ करोड ६२ लाख रुपैयाँ छुट्याएको छ । निक्षेपमा ३२ दशमलव ६५ प्रतिशतले वद्धि गरी १२ अर्ब ३० करोड १५ लाख रुपैयाँ संकलन गरेको बैंकले  कर्जामा १० अर्ब ४१ करोड १८ लाख रुपैयाँ लगानी गरेको छ । । बैंकको खुद व्याज आम्दानी ७६ दशमलव ०७ प्रतिशतले बढेर ३६ करोड ८१ लाख रुपैयाँ पुगेको छ भने सञ्चालन मुनाफा १० करोड ७९ लाख रुपैयाँ पुगेको छ ।

यो अवधिमा २१ करोड १० लाख रुपैयाँ खराबकर्जा उठाएको बैंकले प्रोभिजनमा १७ करोड १४ लाख रुपैयाँ राखेको छ । बैंकको पुँजीकोष एक दशमलव ६२ प्रतिशतले बढेर १२ दशमलव ७६ प्रतिशत पुगेको छ भने निष्कृय कर्जा दुई दशमलव ९१ प्रतिशतले घटेर तीन दशमलव ८३ प्रतिशत कायम भएको छ । बैंकको प्रतिसेयर आम्दानी २० दशमलव ८९ रुपैयाँ (वार्षिक), मुल्य आम्दानीको अनुापत १० दशमलव ४९ गुणा, प्रतिसेयर नेटवर्थ एक सय १६ दशमलव ३२ रुपैयाँ र तरलता अनुपात २४ दशमल ७८ प्रतिशत रहेको छ ।