काठमाडौं - छिमेकी मुलुक चीनले महाशक्ति राष्ट्र अमेरिकालाई पछि पार्दै विश्वकै धनी मुलुक बनेको छ । पछिल्लो २० वर्षमा चीनको सम्पत्ति तीव्र गतिले बढिरहेको छ । तर अमेरिकाको सम्पत्ति भने सोही गतिले बढेको देखिँदैन । कन्सल्टेन्सी फर्म म्याकिन्से एण्ड कम्पनीको ताजा रिपोर्टअनुसार पछिल्लो दुई दशकमा विश्वभरको कुल सम्पत्ति तीन गुणाले वृद्धि भएको छ । विश्वको ६० प्रतिशत आय रहेका १० मुलुकको वासलात (ब्यालेन्स शीट) को जाँचपछि उक्त रिपोर्ट तयार पारिएको हो । २० वर्षको अवधिमा वृद्धि भएको विश्वको कुल सम्पत्तिमध्ये चीनले एक-तिहाई अर्थात् ३३ प्रतिशत हिस्सा ओगटेको ...
एजेन्सी - अमेरिका, बेलायत र अष्ट्रेलियाले नयाँ सैन्य गठबन्धन बनाएका छन्। बुधबार अमेरिकी राष्ट्रपति जो बाइडेन, बेलायती प्रधानमन्त्री बोरिस जोन्सन र अष्ट्रेलियाली प्रधानमन्त्री स्कट मोरिसनबीच भर्चुअल बैठक भएको थियो। उक्त बैठकमा नेताहरूले एयुकेयुएस (तीनै देशका नामको छोटो रूप) गठबन्धन घोषणा गरेका हुन्। जसअनुसार अब अमेरिका र बेलायतले अष्ट्रेलियामा आणवीक (न्युक्लियर) शक्तिबाट चल्ने सामुद्रिक पनडुब्बी (सबमरिन) बनाउनेलगायत सुरक्षा क्षेत्रका प्रविधिमा सघाउने भएका छन्। वर्षौंदेखि गठबन्धनमा रहेका यी तीन मुलुकको यो सहकार्य अर्को कदम भएको नेताहरूले बताएका छन्। यसअघि न्युक्लियरबाट चल्ने सामुद्रिक पनडुब्बी भएका मुलुक संसारमा ६ वटामात्रै थिए। आगामी ...
काठमाडौं - इजिप्टको सेनाले पछिल्लो समयमा थप ८९ अतिवादी मारिएको दाबी गरेको छ। देशको उत्तरपूर्वी क्षेत्रमा पर्ने उत्तर सिनाइमा भएको भिडन्तमा अतिवादी मारिएको सेनाले जानकारी दिएको छ। सुरक्षाकर्मीहरूले घटनास्थलबाट अतिवादी लडाकूहरूले प्रयोग गरेका विस्फोटक पदार्थ, सवारी साधन, हातहतियारलगायत बरामद गरेको पनि सेनाले जनाएको छ। अतिवादीहरूका गतिविधि न्यूनीकरण गराउने अभियानअन्तर्गत सुरक्षा कारबाही गर्दा उनीहरूको मृत्यु भएको सेनाद्वारा जारी वक्तव्यमा उल्लेख गरिएको छ। घटनामा परी सुरक्षाकर्मीतर्फ पनि केही क्षति भएको सुरक्षा स्रोतले पुष्टि गरेको सञ्चारमाध्यमले उल्लेख गरेका छन्। घटना भएको क्षेत्रमा लामो समयदेखि हिंसात्मक गतिविधि हुँदै आएकाले नियन्त्रण गर्न सरकारले कडा ...
काठमाडौं - किर्गिस्तान–ताजिकिस्तानको विवादित सीमा क्षेत्रमा भएको झडपमा ३१ जनाको मृत्यु भएको छ । १५० जना घाइते भएका छन् । पानीको विषयमा सुरु भएको विवादले हिंसाको रुप लिएको र सो क्षेत्रबाट दस हजार जनालाई सुरक्षित रुपमा बाहिर निकालिएको बीबीसीले जनाएको छ । सुरुमा सीमा क्षेत्रमा रहेको पानीको एक स्रोत नजिक सेक्युरिटी क्यामरा जडान गरिएको थियो । त्यसपछि दुवै पक्ष पछि हटेका थिए । यद्यपि सो क्षेत्रमा पटक–पटक गोली चलेको आवाज सुनिन्थ्यो । किर्गिस्तानका स्वास्थ्यमन्त्री अजिला सोल्नबिकोवाले टेलिभिजन सम्बोधनको क्रममा गत विहीबार भएको झडपमा परी ३१ जनाको मृत्यु भएको ...
काठमाडाैं - अमेरिकाको संसद् भवन अगाडि भएको आक्रमणमा एक प्रहरी अधिकारीसहित दुई जनाको मृत्यु भएकाे छ। घटनामा केही घाइते भएका छन्। आक्रमणबाट प्रहरी अधिकारीकै ज्यान गएपछि सुरक्षा व्यवस्थामाथि प्रश्न उठाइएको छ। अहिले संसद् भवन वरपर सुरक्षाकर्मीको तैनाथी बढाइएको छ।आक्रमणपछिकाे प्रतिरक्षामा प्रहरी अधिकारीले पनि गोली चलाएका थिए। गोली लागेर कार चालकको ज्यान गएको खबरमा उल्लेख छ। घाइतेहरुकाे स्थानिय अस्पतालमा उपचार भइरहेकाे छ। बुधबार मात्रै लस एन्जलसको दक्षिणमा अवस्थित अरेन्ज नगरमा भएकाे आकरमणमा एक बालकसहित ४ जनाको मृत्यु भएको थियाे। घटनामा अन्य दुई जना घाइते भएका थिए। गोलीबारी दुई ...
काठमाडाैं - राष्ट्रपति जइर बोल्सोनारुकाे नीति र कदम विरुद्ध ब्रजिलका सेना, नौसैनिक तथा हवाई फौजका प्रमुखहरूले एकसाथ राजीनामा दिएका छन्। राष्ट्रपतिले सेनामाथि अनावश्यक दबाव दिने प्रयास गरेको भन्दै उनीहरुले त्यसकाे विरोधमा एकै पटक राजीनामा दिएको बताइएका छन्। सोमवार मात्रै आफ्ना विदेश तथा रक्षामन्त्री दुवैले राजीनामा दिएपछि मन्त्रिपरिषद् पुनर्गठन गरेका बोल्सोनारुमाथि थप संकट परेकाे छ। कोरोनाभाइरस महामारीलाई लिएर राष्ट्रपतिको लोकप्रियता खस्कँदो छ। चरम दक्षिणपन्थी बोल्सोनारुले क्वारेन्टिनसम्बन्धी नियमहरूको निरन्तर विरोध गर्दै आएका छन्। काेराेना भाइरसका बारेमा पनि उनले गलत टिप्पणी गर्दै आएका थिए। जनस्वास्थ्यसम्बन्धी नियमका कारण अर्थतन्त्रमा पर्ने प्रभाव कोरोनाभाइरसको ...
एजेन्सी - म्यानमारमा सैन्य कूविरुद्ध मानिसहरुको विरोध प्रदर्शन जारी छ । समाचार एजेन्सी रोयटर्सले एक संगठनलाई उद्धृत गर्दै १ फेब्रुअरीदेखि हालसम्म विरोध प्रदर्शनमा ज्यान गुमाउनेको संख्या ५०० पुगिसकेको जानकारी दिएको छ । यसैबीच एजेन्सीले मंगलबारदेखि मानिसहरुले एक सविनय अवज्ञा आन्दोलनको सुरुवात गरेका छन् जसमा उनीरुले सडकमा फोहोर फ्याँक्नेछन् । असिस्टेन्ट असोसिएशन फर पोलिटिकल प्रिजनर्स (एएपीपी) नामक संगठनले सोमबार म्यानमारमा १४ नागरिकको मृत्यु भएको जसमा कम्तीमा आठजनाको यंगूनको दक्षिणी ड्यागन जिल्लामा ज्यान गएको हो । प्रत्यक्षदर्शीका अनुसार सुरक्षाबललले ब्यारिकेड बनाएर राखिएको बालुवाको बोरा हटाउनका लागि हाई क्यालिबरको हतियार प्रयोग ...
काठमाडौं - सेनाले कू गरी सत्ता हातमा लिएपछि म्यानमारमा सुरु भएको आन्दोलन निरन्तर जारी छ। प्रदर्शनका क्रममा सेनाको दमनमा परी आइतबार एकै दिन कम्तिमा ३८ जना प्रदर्शनकारीको मृत्यु भएको बताइएको छ। आइतबारको प्रदर्शनमा मुख्य शहर यङ्गुनमा कम्तीमा २१ जनाको मृत्यु भएको र बाँकी देशका अन्य भागमा भएको अन्तराष्ट्रिय सञ्चारमाध्यमले जनाएका छन्। सुरक्षा बलले यङ्गुनको हलिङ, थारयार क्षेत्रमा प्रदर्शनकारीमाथि गोली चलाएको थियो। प्रदर्शनकारी पनि लाठी र चक्कुका साथ प्रदर्शनमा उत्रिएका थिए। ...
काठमाडाैं– म्यान्मारमा बुधबार सैनिक कुविरुद्ध प्रदर्शनमा उत्रिएका कम्तीमा ३८ जना मारिएका छन्। शान्तिपूर्ण रुपमा सेनाकाे कु विरुद्व सडकमा उत्रिएका नागरिकमाथि गाेली हानिएपछि संयुक्त राष्ट्रसङ्घले सेनाले सत्ता हातमा लिएयताकै 'रक्तपातपूर्ण' दिन भनी टिप्पणी गरेकाे छ। म्यान्मारका लागि राष्ट्रसङ्घीय दूत क्रिस्टिन श्नारन बुर्गनरले निकै भयावह दृश्य समेटिएका भिडिओ फुटेज बाहिर आइरहेको बताइन्। बुधवारको घटनापछि ब्रिटेनले शुक्रवार राष्ट्रसङ्घीय सुरक्षा परिषद्को बैठकको माग गरेको छ। त्यस्तै अमेरिकाले म्यानमारको सेनाविरुद्ध थप कदम चाल्ने दिन आउन सक्ने टिप्पणी गरेकाे छ। सुरक्षा फौजले विभिन्न सहरहरूमा ठूलो सङ्ख्यामा भेला भएका प्रदर्शनकारीमाथि गोली चलाएको थियाे। गत ...
बर्मा - म्यानमारको ‘नेसनल लिग फर डेमोक्रेसी (एनएलडी)’ कि अध्यक्ष आङ सान सुकीलाई उनकै घरमा नजरबन्दमा राखिएको एनएलडीले पुष्टि गरेको छ। गत सोमबार म्यानमारमा सेनाले ‘कू’ गरी राज्यसत्ता कब्जा गरेपछि अहिंसावादी राजनीतिका लागि गरेको त्यागका लागि ९० को दशकमा नोबेल पुरस्कारबाट सम्मानित नेतृ सुकीको अवस्थाबारे जानकारी दिँदै उक्त जानकारी गराइएको हो। उनका सञ्चार अधिकृत क्यी टोयले आफ्नो आधिकारिक फेसबुक पेजमा लेखेका छन्, ‘नेतृ सुकीलाई उहाँकै घरमा नजरबन्दमा राखिएको छ र उहाँको स्वास्थ्य सामान्य रहेको छ।’ ‘मैले जानकारी पाएसम्म नेतृ सुकीलाई उहाँकै निवासमा नजरबन्दमा राखिएको छ,’ टोयले एएफपीसँग भने। ...
