काठमाडौं - राष्ट्रिय जनता पार्टीमा बुधबारदेखि नयाँ संयोजकले जिम्मेवारी सम्हाल्दैछन्। महेन्द्रराय यादवको अध्यक्षतामा मंगलबार बसेको सो पार्टीको बैठकले अध्यक्ष मण्डलको नयाँ संयोजकमा शरतसिंह भण्डारीलाई तोकेको हो।

२०७४ बैशाखमा मधेस केन्द्रित ६ पार्टीबीच एकता भइ गठन भएको राजपामा लामो समयसम्म महन्थ ठाकुर संयोजक भएका थिए। एकताकै बेला चक्रिय प्रणाली अपनाउने भनिए पनि २०७५ मंसिरसम्म ठाकुर एकल संयोजक भएका थिए।

२०७५ मंसिरमा भने बहुमत अध्यक्षहरुले संयोजक परिवर्तन गरेका थिए। त्यतिबेला राजेन्द्र महतो नयाँ संयोजक बनेका थिए। त्यसपछि भने प्रत्येक दुई महिनामा संयोजक परिवर्तन हुँदै आएका छन्।