चिन्तामणि शिवाकोटीलाई कामु गभर्नरको जिम्मेवारी

2020-03-18

काठमाडौं - अर्थ मन्त्रालयले नेपाल राष्ट्र बैंकका वरिष्ठ डेपुटी गभर्नर चिन्तामणि शिवाकोटीलाई कायममुकायम गभर्नरको जिम्मेवारी दिएको छ। राष्ट्र बैंकका गभर्नर डा चिरञ्जीवी नेपालको कार्यकाल सकिएसँगै नयाँ गभर्नर नियुक्त नभएका कारण शिवाकोटीलाई कायममुकायम गभर्नरको जिम्मेवारी दिइएको हो।

नेपाल राष्ट्र बैंकका दुईजना डेपुटी गभर्नरमध्ये शिवाकोटी वरिष्ठ डेपुटी गभर्नर हुन्। मंगलबार बिदा भएका गभर्नर नेपालले शिवाकोटीलाई वरिष्ठ डेपुटी गभर्नर र शिवराज श्रेष्ठलाई कनिष्ठ डेपुटी गभर्नर बनाएका थिए। शिवाकोटी सत्तारुढ नेकपा निकटका हुन्।

राष्ट्र बैंक ऐनको प्रावधानअनुसार सरकारले गभर्नर नियुक्त गर्न नसकेपछि शिवाकोटीलाई कायम मुकायम गभर्नरको जिम्मेवारी दिइएको अर्थ मन्त्रालयले पुष्टि गरेको छ। अर्थसचिव शिशिरकुमार ढुंगानाले नेपाल लाइभलाई यसको जानकारी दिएका हुन्।

नोटमा हस्ताक्षर गरेका थिए मानन्धरले
नेपाल राष्ट्र बैंकको इतिहासमा पहिलोपटक बहालवाला गभर्नरलाई भ्रष्टाचारको मुद्दा लाग्यो। राष्ट्र बैंकका तत्कालीन गभर्नर विजयनाथ भट्टराईमाथि भ्रष्टाचारको मुद्दा लागेपछि उनी स्वत: निलम्बनमा परे।

यो अवस्थमा २०६४ सालमा तत्कालीन् बरिष्ठ डेपुटी गभर्नर कृष्णबहादुर (केबी) मानन्धरले कामु गभर्नरको जिम्मेवारी पाएका थिए। तत्कालीन् गभर्नरद्वय मानन्धर र वीरविक्रम रायमाझीमध्ये वरिष्ठतम डेपुटी गभर्नर मानन्धरलाई कामु गभर्नरको जिम्मेवारी दिइएको थियो।

यसैबीचमा २०६५ सालमा दीपेन्द्रबहादुर क्षेत्री गभर्नर नियुक्त भए। तर त्यहीबीचमा भट्टराईले विशेष अदालतबाट सफाइ पाएसँगै क्षेत्रीले राजीनामा दिएर भट्टराईलाई पद सुम्पिए। १२ वर्षअघिको विशेष अवस्थापछि राष्ट्र बैंक फेरि नेतृत्वविहीन भएको छ।

तत्कालीन कामु गभर्नर मानन्धरले नोटमा हस्तक्षर गर्ने अवसर पाएका थिए।




थप समाचार


जुनसुकै बैंकको एटिएमबाट पैसा झिक्दा थप शुल्क नलाग्ने

जुनसुकै बैंकको एटिएमबाट पैसा झिक्दा थप शुल्क नलाग्ने

काठमाडौं - बैंकहरुमा हुने भिडभाडको नियन्त्रण गर्न बैंकहरुले विद्युतीय कारोबार गर्नेहरुलाई छुट प्रदान गर्ने भएका छन्। शाखाहरुमा भिडभाड कम गर्न तथा विद्युतीय कारोबारलाई प्रोत्साहन गर्न ...

कोरोना भाइरसको प्रभाव : चीनसँगको व्यापारमा ३२ प्रतिशतले गिरावट

कोरोना भाइरसको प्रभाव : चीनसँगको व्यापारमा ३२ प्रतिशतले गिरावट

काठमाडौँ - विश्वव्यापी रुपमा फैलिएको कोरोना भाइरसको संक्रमणका कारण आयात–निर्यातमा समेत प्रभाव परेको छ । जसअन्तर्गत विराटनगर नाकाबाट हुने चीनसँगको व्यापार ३२ प्रतिशतले गिरावट आएको ...

कोरोनाको सन्त्रासले हवाई क्षेत्रमा ८ अर्ब नोक्सानी

कोरोनाको सन्त्रासले हवाई क्षेत्रमा ८ अर्ब नोक्सानी

काठमाडौं - पर्यटक आवागमनमा कमी आएसँगै मुलुकको आन्तरिक तथा बाह्य हवाई उडान प्रभावित बन्न पुगेको छ। आगामी वैशाखसम्म सबै अनअराइभल भिसामा कटौती गरेसँगै हवाई क्षेत्रमा ...





ट्रेन्डिङ