कोरोना सन्त्रास : सेनाकाे घोडेजात्रा समारोहमा विशिष्ट व्यक्ति उपस्थित नहुने

2020-03-16

काठमाडाैं - कोरोनाको सन्त्रासका कारण नेपाली सेनाले यस वर्षकाे घोडेजात्रा समारोहमा विशिष्ट तथा अन्य पाहुनाहरुलाई सहभागी नगराउने निर्णय गरेकाे छ। विश्वमा कोरोना भाइरस (कोभिड- १९)काे संक्रमण फैलिरहेकाे भन्दै नेपाल सरकारले सभा, सम्मेलन, भेला, कार्यक्रम नगर्न आव्हान गरेकाले यस्ताे निर्णय गरिएकाे सेनाले जनाएकाे छ।

यसअघिका घोडेजात्रामा राष्ट्रपति, उपराष्ट्रपति, प्रधानमन्त्री, सभामुख, राष्ट्रिय सभाका अध्यक्ष, प्रधानन्यायाधीस लगायत विशिष्ट व्यक्तित्वहरुले घोडेजात्रा अवलोकन गर्ने गरेका थिए ।

सेनाका अनुसार उक्त समारोह टेलिभिजनमार्फत प्रत्यक्ष प्रसारण गर्ने व्यवस्था मिलाइएकाे छ। सेनाले प्रत्येक वर्ष टुँडिखेलस्थित सैनिक मञ्चमा विविध अश्वकलाले भरिपूर्ण रोचक कार्यक्रमहरु गरी राष्ट्रिय पर्व ‘घोडेजात्रा समारोह’ मनाउँदै आइरहेकाे छ। यस वर्षकाे घाेडेजात्रा आगामी चैत ११ गते परेकाे छ।

सरकारको निर्णय बमोजिम कोरोना भाइरसको उच्च जोखिम विरुद्ध बचाउ तथा रोकथामका लागि उपलब्ध सबै उपायहरुको अवलम्बन गर्न सेना प्रतिबद्ध रहेको सेनाकाे जनसम्पर्क तथा सूचना निर्देशनालयद्वारा जारी विज्ञप्तिमा उल्लेख छ।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...





ट्रेन्डिङ