टर्कीको संसद बैठकमै सांसदहरुबीच कुटाकुट

2020-03-06

अंकारा - टर्कीको संसद बैठक चलिरहँदा विवाद भएपछि सांसदहरु कुटपिटमै उत्रिएका छन् । एकजना प्रतिपक्षी सांसदले राष्ट्रपति रिसेप तायीप एर्दोगानको आलोचना गरेपछि विवाद चर्किएको हो । प्रतिपक्षी दलका सांसद एन्जिन ओजकोकले सिरियामा मारिएका सिपाहीको अपमान गरेको आरोप लगाउँदै कडा आलोचना गरेपछि दर्जनौँ सांसदहरु उनलाई कुटपिट गर्न उत्रिएका थिए ।

झगडाको क्रममा केही सांसदले त कुर्सीमाथि टेकेर मुड्की प्रहार गरेका थिए । केहीले भने रोक्ने प्रयास गरे । केही सांसद त हुलमुलमा भुइँमा समेत पल्टिएका थिए । टर्किस संसदको झगडाको भिडिओ फुटेज समेत सामाजिक सञ्जालमा भाइरल बनाइएको छ ।

राष्ट्रपतिको आलोचना गर्ने सांसद एन्जिन ओजकोक रिपब्लिक पिपल्स पार्टीका प्रतिनिधि हुन् । जसले राष्ट्रपति एर्दोगनलाई सिरियाको इडलिबमा गत साता मारिएका सिपाहीको अपमान गरेको भन्दै पत्रकार सम्मेलन समेत गरेका थिए ।

उनले राष्ट्रपतिविरुद्ध लड्न टिर्कस जनताका छोराछोरीलाई पठाइदिन समेत आग्रह गर्दै संसद बैठकमा कडा आलोचना गरेका थिए । संसदका प्रवक्ता मुस्तफा सेन्तोपले ती सांसदको अभिव्यक्तिलाई रोकेका थिए ।

टर्कीले २०१८ मा रुससँग सम्झौता गरे अनुरुप सिरियाली फौजलाई सहयोग गर्दैआएको छ । प्रतिपक्षी दलले भने सिरियाली युद्धलाई लिएर सरकारको आलोचना गर्दैआएको छ ।




थप समाचार


अमेरिकाका ३७ राज्यका विद्यालय बन्द गर्ने घोषणा (सूचीसहित)

अमेरिकाका ३७ राज्यका विद्यालय बन्द गर्ने घोषणा (सूचीसहित)

न्युयोर्क - विश्वव्यापी रुपमा महामारीको रूपम लिएको कोरोना भाइरसको संक्रमणको जोखिम न्यूनीकरणका लागि अमेरिकाले ३७ राज्यका विद्यालय बन्द गरेको छ। विद्यालयमा बालबालिकाको जमघट बढी हुने ...

इटालीमा तिब्र गतिमा फैलिंदै काेराेना, ६ करोड मानिसलाई घरमै बस्न निर्देशन

इटालीमा तिब्र गतिमा फैलिंदै काेराेना, ६ करोड मानिसलाई घरमै बस्न निर्देशन

एजेन्सी - कोरोना भाइरस (कोभिड-१९)ले विश्व नै त्रसित बनिरहेको छ। यसैक्रममा कोरोना भाइरस सङ्क्रमण नियन्त्रण गर्न इटालीले देशभरि आपत्कालीन उपायहरू विस्तार गरेको छ। काेराेनाकाे संक्रमणलाई ...

विश्‍वभर आज : नेपालका छिमेकी देशहरुमा कोरोना संक्रमण बढ्दो, सुकीको सम्‍मान खोसियो

विश्‍वभर आज : नेपालका छिमेकी देशहरुमा कोरोना संक्रमण बढ्दो, सुकीको सम्‍मान खोसियो

विश्वभर कोरोना भाइरसको महामारी फैलिरहँदा यसबाट जोगिने अनेक उपाय खोजिँदैछ । वैज्ञानिकहरु यसविरुद्धको खोपको परीक्षण गर्दैआएका छन् । बिबिसीका अनुसार वैज्ञानिकहरुले यस्तो खोपको विकास गरी ...





ट्रेन्डिङ