तीव्र उतारचढाव झेलेको शेयर बजारमा हल्का सुधार

2020-03-03

काठमाडौं - शेयर बजार तीव्र उतारचढाव सहित १४.३७ अंकको सुधार सहित रोकिएको छ। आइतबार र सोमबार दुई दिनमा १३६ अंकले घटेको शेयर बजारमा मंगलबार भने सुधार भएको हो। नेप्से सूचक ०.९६ प्रतिशतले सुधार भएर १५०९ अंकमा पुगेको छ।

मंगलबार पनि ब्रोकरहरुको संयुक्त सर्भरमा समस्या आउँदा एक घण्टा कारोबार बन्द भएको थियो। ब्रोकरको डाटा सेन्टर र टिएमएसबीचमा कनेक्सन हुन नसक्दा १२ बजेर ४२ मिनेटदेखि एक बजेर ३५ मिनेटसम्म कारोबार हुन सकेको थिएन।

उक्त समयमा हुन नसकेपछि नेप्सेले थप ५५ मिनेट समय थप गरेको छ। समय थप भएपछि दोस्रो बजारमा सुधार आएको थियो। सर्भरमा समस्या आउनुअघि बजार घटिरहेको थियो। तर सर्भर र ब्रोकरको टिएमएसबीचको कनेक्सन जोडिएपछि कारोबार सुरु भएसँगै बजार सुधार हुन थालेको थियो।

सूचकमा सुधारसँगै कारोबार रकम तीन अर्ब ८५ करोड रुपैयाँ पुगेको छ। सोमबार ६ प्रतिशतले बजार घट्दा कारोबार नै रोकिएको थियो। विगत तीन महिनाको अवधिमा राम्रो नाफा आर्जन गरेका लगानीकर्ताहरुले एकै पटक नाफा बुक गर्न खोज्दा सेलिङ प्रेसर बढेको थियो।

अर्थमन्त्रीसँग जोडिएका समाचारले असर पार्ने शेयर बजारमा मंगलबार पनि केही प्रभावित पारिरहेको छ। खतिवडाले अर्थमन्त्री पदबाट राजीनामा दिने समाचारसँगै बजार एका एक सुधार भएको थियो।

तर उनले राजिनामा दिएसँगै सपथ लिने समाचार आएसँगै बजार पुनः रातो देखिएको हो।

गएका दुई दिनमा १३६ अंकले सूचक घट्दा अधिकांश कम्पनीको मूल्यमा भारि गिरावट आयो। गिरावट आएका कम्पनीको शेयर खरिद गर्ने पक्ष हाबी हुँदा मंगलबारको सेलिङ प्रेसर धान्न सक्ने अवस्था आएको हो।

नेपाल राष्ट्र बैंकले अर्धवार्षिक मौद्रिक समिक्षा मार्फत लघुवित्त वित्तीय संस्थाको नाफा वितरणमा अंकुश लगाउदा अधिकांश माइक्रोफाइनान्सको शेयर मूल्य घटेको छ। कारोबार सुरु भएलगत्तै ६ प्रतिशतसम्मले घटेकोमा अन्तिमसम्मा ४ प्रतिशतले तल झरेको छ।

मंगलबार नेपाल लाइफ इन्स्योरेन्स कम्पनीको मात्रै ४० करोड रुपैयाँको कारोबार भएको छ। गएका दिनमा धेरै अंकले मूल्य घट्दा मंगलबार कम्पनीको शेयरमा माग बढेको हो। मागसँगै दुई तीन महिनाअघि शेयर खरिद गरेकाले नाफा बुक गर्न भ्याएका छन्।




थप समाचार


जुनसुकै बैंकको एटिएमबाट पैसा झिक्दा थप शुल्क नलाग्ने

जुनसुकै बैंकको एटिएमबाट पैसा झिक्दा थप शुल्क नलाग्ने

काठमाडौं - बैंकहरुमा हुने भिडभाडको नियन्त्रण गर्न बैंकहरुले विद्युतीय कारोबार गर्नेहरुलाई छुट प्रदान गर्ने भएका छन्। शाखाहरुमा भिडभाड कम गर्न तथा विद्युतीय कारोबारलाई प्रोत्साहन गर्न ...

चिन्तामणि शिवाकोटीलाई कामु गभर्नरको जिम्मेवारी

चिन्तामणि शिवाकोटीलाई कामु गभर्नरको जिम्मेवारी

काठमाडौं - अर्थ मन्त्रालयले नेपाल राष्ट्र बैंकका वरिष्ठ डेपुटी गभर्नर चिन्तामणि शिवाकोटीलाई कायममुकायम गभर्नरको जिम्मेवारी दिएको छ। राष्ट्र बैंकका गभर्नर डा चिरञ्जीवी नेपालको कार्यकाल सकिएसँगै ...

कोरोना भाइरसको प्रभाव : चीनसँगको व्यापारमा ३२ प्रतिशतले गिरावट

कोरोना भाइरसको प्रभाव : चीनसँगको व्यापारमा ३२ प्रतिशतले गिरावट

काठमाडौँ - विश्वव्यापी रुपमा फैलिएको कोरोना भाइरसको संक्रमणका कारण आयात–निर्यातमा समेत प्रभाव परेको छ । जसअन्तर्गत विराटनगर नाकाबाट हुने चीनसँगको व्यापार ३२ प्रतिशतले गिरावट आएको ...





ट्रेन्डिङ