६ किलो सुनसहित भारतीय नागरिक पक्राउ

2020-03-03

काठमाडौं - बेरिङका टुक्रा बनाएर तस्करी गर्दै गरिएको ६ किलो सुनसहित प्रहरीले एक भारतीय नागरिकलाई पक्राउ गरेको छ। पक्राउ पर्नेमा भारत कर्नाटक राज्यका ४२ वर्षीय अब्दुल मजिद अनेकल छन्।

सोमबार बिहान साढे ४ बजे काठमाडौंबाट वीरगञ्ज जाँदै गरेको यात्रुबाहक बस हेटौंडाको रातामाटेमा जाँच गर्ने क्रममा बसमा सवार अब्दुलको साथबाट उक्त सुन बरामद भएको मकवानपुरका एसपी सुशीलसिंह राठौरले जानकारी दिए।

अब्दुलले आफ्नो झोलामा मोटर पार्टसको बेरिङ आकारका ४ थान, फलामको पास्ताको बेरिङ २ थान, मिट बेरिङ २ थान गरी ८ थान बोकेका थिए।

बाहिर फलामको लेप लागेका ती सामाग्री संकास्पद रहेपछि जाँचका लागि प्रहरीले पठाएको थियो।

जाँचका क्रममा ती सामान सुन रहेको पुष्टि भएको एसपी राठौरले जानकारी दिए । उक्त सुनको तौल ६ किलो २ सय ८९ ग्राम ३ सय छ० मिलीग्राम रहेको छ।

जसका बजार मूल्य ४ करोड, २७ लाख, ५८ हजार ७ सय ७४ रुपैयाँ हुन्छ । पक्राउ परेका अब्दुललाई सुनसहित कारबाहीका लागि राजश्व अनुसन्धान विभाग पथलैया बारा पठाउन लागिएको मकवानपुर प्रहरीले जनाएके छ।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...





ट्रेन्डिङ