खरिपाटी क्वारेण्टाइनमा राखिएकाहरु सम्भवतः सोमबार घर फर्किने

2020-03-01

 

काठमाडौं - भक्तपुरको खरिपाटी क्वारेन्टाइनमा राखिएकाहरुको दोस्रो परीक्षण रिपोर्ट नेगेटिभ आए सोमबार सबै एक सय ७५ जना घर जान पाउने स्वास्थ्य मन्त्रालयले बताएको छ। शनिबार नमुना संकलन गरिएको रिपोर्ट सोमबार आउँदै छ ।

स्वास्थ्य मन्त्रालयका प्रवक्ता डा. विकास देवकोटाका अनुसार १ सय ७५ जनामध्ये एकजनाको मात्रै रिपोर्ट नेगेटिभ आए मा कोही पनि घर फर्किन पाउने छैनन्। उनले भने, ‘संक्रमितलाई सीधै अस्पताल लगिनेछ भने अन्यलाई फेरि १४ दिन क्वारेन्टाइनमै राखिन्छ।’

देवकोटाको अनुसार अहिलेसम्म १ सय ७५ जनलाई नै रुघाखोकी र ज्वरो नआएकाले अत्तालिनु पर्ने अवस्था छैन । तर, पछिल्ला अनुसन्धानले क्वारेन्टाइनमा बसेका व्यक्तिमा २४ दिनपछि पनि कोभिड–१९ को संक्रमण देखिएको छ। सोही कारण दोस्रो रिपोर्ट नेगेटिभ आए अझै जोखिम रहेकाले सुरक्षित रहनुपर्ने सुझाव चिकित्सकहरुले दिएका छन्।

गत फागुन ४ गते चीनको वुहानबाट ल्याइएका उनीहरुको पहिलो नमुना परीक्षण सोही दिन गरिएको थियो। उक्त नमुना परीक्षण को सबैको रिपोर्ट पोजेटिभ आएको थियो। हिजो शनिबार गरिएको नमुना संकलनबाट सबैको रिपोर्ट पोजेटिभ आए यो नै अन्तिम परीक्षण हुनेछ।

उद्धार गरिएका एक सय ७५ बाहेक उद्धारमा जाने टोली सदस्य तथा क्वारेन्टाइनमा रहेका अन्य १८ जनाको पनि नमुना संकलन गरिएको छ । सबै एक सय ९३ जनाको (याल र नाकबाट नमुना संकलन गरिएको हो। नमुना संकलनका लागि स्वास्थ्य मन्त्रालयका उच्च अधिकारी, राष्ट्रिय जनस्वास्थ्य प्रयोगशालाका अधिकारी, चिकित्सक तथा अन्य स्वास्थ्यकर्मी खरिपाटी पुगेका थिए।

प्रवक्ता देवकोटाले भने, ‘सोमबारसम्म क्वारेण्टाइन बसेकाहरु घर जान पाउने सम्भावना बढेको छ।’




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...





ट्रेन्डिङ