ट्रम्प आगामी साेमबार भारतकाे भ्रमणमा आउने, 'धार्मिक स्वतन्त्रता' बारे भाषण गर्ने

2020-02-22

एजेन्सी - अमेरिकी राष्ट्रपति डोनाल्ड ट्रम्पले आगामी साेमबारदेखि भारतकाे भ्रमण गर्दै छन्। उनकाे भारतमा भव्य स्वागत हुने अमेरिकाकाे आशा छ। भारतमा ट्रम्पकाे स्वागत विदेशी नेतालाई हालसम्म गरिएकाे स्वागतभन्दा बढी हुने अमेरिकी अधिकारीहरूले आशा गरेका छन्।

ट्रम्प प्रशासनसँग सम्बन्धित व्यक्तिहरूले सोमबारदेखि सुरु हुने ट्रम्पको भारत भ्रमणले दुई देशबीच बढ्दो व्यापार भिन्नता कम गर्न सहयोग पुर्‍याउने बताएका छन्।

तर, शुक्रवार वाशिंगटनमा भएकाे पत्रकार सम्मेलनका क्रममा ट्रम्प प्रशासनका तर्फबाट आएकाे भनाइले धेरैकाे ध्यान तानेकाे छ। वार्ताका प्रस्तावित एजेन्डाबारे जानकारी दिन आयाेजित कार्यक्रममा ह्वाइट हाउसका प्रवक्ताले भने, 'मलाई लाग्छ राष्ट्रपति ट्रम्पले लोकतन्त्र र धार्मिक स्वतन्त्रताको विषयलाई लिएर हाम्राे साझा परम्पराको बारेमा सार्वजनिक रूपमै कुरा गर्नुहुनेछ। विशेष गरी धार्मिक स्वतन्त्रताको मुद्दाका बारेमा पनि कुराकानी हुनेछ। प्रशासनको लागि यो महत्वपूर्ण मुद्दा हो।'

बीबीसीका अनुसार विश्लेषकहरूले यो भनाइलाई भारतको नागरिकता संशोधन ऐन र राष्ट्रिय परिचयपत्र दर्तालाई लिएर मुसलमानकाे विराेधसँग जाेडेर हेरेका छन्।

ह्वाइट हाउसका प्रवक्ताले भने, 'प्रधानमन्त्री नरेन्द्र मोदीसँगको भेटमा राष्ट्रपति ट्रम्पले लोकतान्त्रिक परम्परालाई समर्थन गर्न भारतले धार्मिक अल्पसंख्यकहरूको सम्मानतर्फ ध्यान केन्द्रित गरिरहेको छ भन्ने तथ्यलाई विश्वले नियाली रहेकाे छ भन्ने विषयमा ध्यानाकर्षण गर्ने छन्। संविधानमा पनि धार्मिक स्वतन्त्रता, धार्मिक अल्पसंख्यकहरूको सम्मान र सबै धर्महरूको लागि समानताको अधिकार रहेको छ।'




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...





ट्रेन्डिङ