काठमाडौं - नवनियुक्त कानून न्याय तथा संसदीय मामिलामन्त्री शिवमाया तुम्बाहाङ्फेले पदभार सम्हालेकी छन् । हालै मात्र उपसभामुखबाट राजीनामा दिएकी तुम्बाहाङ्फेलाई प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले आजै कानूनमन्त्री नियुक्त गरेकी हुन् ।

तुम्बाहाङ्फेले सोमबार दिउँसो शीतल निवासमा राष्ट्रपति समक्ष पद तथा गोपनीयताको सपथ लिइन् ।

केही समय प्रतिनिधिसभाको नेतृत्व सम्हालेकी तुम्बाहाङ्फेले उपसभामुख पदबाट केही समय अघि मात्र राजीनामा दिएकी थिइन्। नेपाल कम्युनिस्ट पार्टी सचिवालय बैठकले राजीनामा दिन आग्रह गर्ने निर्णय गरेपनि उनले केही समय राजीनामा दिन आलटाल गरेकी थिइन्।

उनलाई राष्ट्रपति भण्डारीको समर्थन पाएकी नेताका रुपमा हेरिएको थियो। उपसभामुखबाट राजीनामा दिनुअघि सभामुख पदमा दाबी गर्दै उनले राजीनामा दिन ढिलाइ गरेकी थिइन्।