अमेरिकामाथि ८ विकेटको जित, विश्व कीर्तिमान बनाउनबाट थोरैले चुक्यो नेपाल !

2020-02-12

काठमाडौं - आइसिसी विश्वकप क्रिकेट लिग टु– अन्तर्गत त्रिदेशीय सिरिजमा नेपालले अमेरिकालाई ८ विकेटले पराजित गरेको छ।

३६ रनको झिनो लक्ष्य पछ्याउँदै ब्याटिङ गरेको नेपालले ५.२ ओभरमा २ विकेटको क्षतिमा लक्ष्य पूरा गर्दै जित हात पारेको हो। नेपालका लागि कप्तान ज्ञानेन्द्र मल्ल १ र सुवास खकुरेल शुन्यमै आउट भएका थिए।
तर तेस्रो र चौथो नम्बरमा आएका पारस खड्का र दीपेन्द्रसिंह ऐरीले नेपाललाई जित दिलाए। पारस २० र दीपेन्द्र १५ रनमा अविजित रहे।

योसँगै नेपालले विश्व कीर्तिमानी जित हात पार्न भने चुक्यो। यदि नेपालले ४.१ ओभरमा लक्ष्य भेटाएको भए विश्व कीर्तिमान हुने थियो। यसअघि श्रीलंकाले जिम्बाब्वेविरुद्ध ४.२ ओभरमा लक्ष्य भेटाएको थियो।
त्रिवि क्रिकेट मैदानमा टस हारेपछि ब्याटिङमा आएको अमेरिकाले खराब प्रदर्शन गर्दै १२ ओभरमा ३५ रन बनाउँदा सबै विकेट गुमाएको थियो। यो स्कोर एकदिवसीय क्रिकेटमा सबैभन्दा कम रनसँग बराबरी हो। यसअघि २००४ मा श्रीलंकाले जिम्बाब्वेलाई ३५ रनमै आउट गरेको थियो।

अमेरिकाका लागि एक खेलाडीले मात्रै दोहोरो स्कोर बनाए। पहिलो विकेटको रुपमा इयान होल्यान्डलाई शुन्य रनमा गुमाएको अमेरिकाले ज्याभियर मार्सललाई १६ रनमा गुमाएको थियो। १.६ ओभरमा होल्यान्डलाई शुन्यमै आउट गर्दै सन्दीपले नेपाललाई सुरुवाती विकेट दिलाएका थिए। त्यसपछि सुशनले २३ रन हुँदा मार्सललाई १६ रनमा आउट गराए। योसँगै अमेरिका दबाबमा आएको थियो।

त्यसपछि ७.२ ओभरमा सन्दीपले मोहम्मद पटेललाई ४ रनमा आउट गर्दै नेपाललाई तेस्रो सफलता दिलाए। यहि ओभरको पाँचौ बलमा सन्दीपले निसर्ग पटेललाई २ रनमा आउट गर्दै एकै ओभरमा २ विकेट लिए। योसँगै अमेरिकाले चौथो विकेट गुमाएको थियो।

त्यसपछि नवौं ओभर बलिङ गर्न सुशन भारीलाई दिए। सुशनले ८.३ ओभरमा आरोन जोन्सलाई ४ रनमा आउट गराए। अमेरिकाले २९ बनाउँदा महत्वपूर्ण ५ विकेट गुमायो। १०औं ओभर बलिङमा आएका सन्दीपले फेरि ९.५ ओभरमा विकेट लिए। यो पटक भने सन्दीपको बलमा तमिल पटेल एल्बिडब्लु धरापमा परे।

सन्दीपसँगै सुशन पनि रोकिएनन्। उनले पनि एकपछि अर्को ओभरमा विकेट लिदै गए। ११औं ओभर बलिङ लिएर आएका सुशनले यो ओभरमै २ विकेट लिदै नेपाललाई आठौं सफलता दिलाए। उनले १०.१ ओभरमा क्यामरन स्टेभनसनलाई १ रनमा आउट गराए। यहि ओभरको अन्तिम बलमा रुष्टली थोरनलाई शुन्यमा आउट गराउँदै सुशनले ४ विकेट लिए।

त्यस्तै, १२औं ओभरमा सन्दीपले २ विकेट लिदा अमेरिका अलआउट हुन पुग्यो। सन्दीपले ११.३ ओभरमा अक्षय होमराजलाई ४ रनमा आउट गराए भने यो ओभरको अन्तिम बलमा नस्टथस केन्जिकेलाई शुन्यमै आउट गराए।

सन्दीपले ६ विकेट लिए। उत्कृष्ट बलिङ गरेका सन्दीपले ६ ओभरमा १ मेडन राख्दै १६ रन खर्चिएर ६ विकेट लिए। त्यस्तै, सुशनले ३ ओभरमा १ मेडन राख्दै ५ रन खर्चिएर ४ विकेट लिए।




थप समाचार


पन्जाबले २० ओभरमा दिएको २२४ रनको चुनौती पनि राजस्थानले पार गर्यो

पन्जाबले २० ओभरमा दिएको २२४ रनको चुनौती पनि राजस्थानले पार गर्यो

काठमाडौं - राजस्थान रोयल्सले इन्डियन प्रिमियर लिग (आइपिएल) क्रिकेटमा कीर्तिमानी जित दर्ता गरेको छ। आइतबार राति भएको खेलमा राजस्थानले किंग्स इलाभेन पञ्जाबलाई चार विकेटले पराजित ...

हैदराबादको दोश्रो हार, कोलकातासंग ७ विकेटले पराजित

हैदराबादको दोश्रो हार, कोलकातासंग ७ विकेटले पराजित

काठमाडौं - सनराइजर्स हैदराबादले इन्डियन प्रिमियर लिग (आइपिएल) क्रिकेटमा लगातार दोस्रो हार ब्यहोरेको छ। शनिबार राति भएको खेलमा कोलकाता नाइट राइडर्ससँग हैदराबाद ७ विकेटले पराजित ...

आइपिएलमा दिल्लीको दोश्रो जित, चेन्नाई ४४ रनले पराजित

आइपिएलमा दिल्लीको दोश्रो जित, चेन्नाई ४४ रनले पराजित

काठमाडौं - दिल्ली क्यापिटल्सले इन्डियन प्रिमियर लिग (आइपिएल) क्रिकेटमा लगातार दोस्रो जित निकालेको छ। शुक्रबार राति भएको खेलमा दिल्लीले चेन्नाई सुपर किंग्सलाई ४४ रनले पराजित ...




ट्रेन्डिङ