दक्षिण कोरियाली फिल्म ‘प्यारासाइट’ले जित्यो यो वर्षको 'ओस्कार'

2020-02-11

एजेन्सी - दक्षिण कोरियाली फिल्म ‘प्यारासाइट’ यसवर्षको ओस्कारमा उत्कृष्ट फिल्म बन्न सफल भएको छ।

कुनै पनि गैरअंग्रेजी फिल्मले ओस्कारमा उत्कृष्ट फिल्मको पुरस्कार जितेको यो पहिलोपटक हो। २ भिन्न वर्गका २ परिवारको कथामा आधारित यो फिल्मलाई बोङ जुन होले निर्देशन गरेका हुन्। फिल्मका निर्माता क्वाक सिन आइले पुरस्कार लिएपछि भने, ‘म शब्दविहीन भएको छु, हामीले यस्तो हुन्छ भनेर कल्पनासम्म पनि गरेका थिएनौं, यस क्षणलाई म इतिहासकै विशेष अवसरको रुपमा महसुस गरेको छु।’

यस वर्षको ओस्कारमा प्यारासाइटले उत्कृष्ट फिल्मसहित ४ विधा हात पारेको छ। प्यारासाइटका निर्देशक बोङ जुन हो उत्कृष्ट निर्देशक बन्न सफल भएका छन् भने प्यारासाइटले ओरिजनल स्क्रीनप्ले अवार्ड पनि जितेको छ।

यसैगरी ‘जुडी’ फिल्मबाट रेनी जेलवेगरले उत्कृष्ट अभिनेत्री र ‘जोकर’ फिल्मबाट जोकिन फोनिक्सले उत्कृष्ट अभिनेताको पुरस्कार जितेका छन्।

ब्राड पिटले ‘वान्स अपन अ टाइम इन हलिउड’बाट र लाउरा डर्नले ‘म्यारिज स्टोरी’बाट उत्कृष्ट सहअभिनेता तथा सहअभिनेत्रीको पुरस्कार जितेका छन्। यस वर्ष ‘सर साम मेन्डेज १९१७’ले ३ विधामा ओस्कार जितेको छ।




थप समाचार


अस्मिता परियारको 'सुरुवात' सार्बजनिक

अस्मिता परियारको 'सुरुवात' सार्बजनिक

विगत ६ वर्ष देखि निरन्तर संगीत साधनामा लगिरहेकी गायिका अस्मिता परियारको स्वरमा 'सुरुवात' बोलको गीत युट्युबमा सार्बजनिक गरिएको छ । प्रतिमा श्रेष्ठको शब्द रचना रहेको ...

जन्तरे मामको 'फुलै फूलको सौगात तिमीलाई' यूट्युबमा राम्रो भ्युज

जन्तरे मामको 'फुलै फूलको सौगात तिमीलाई' यूट्युबमा राम्रो भ्युज

काठमाडौँ - मोरङका 'जन्तरे मामा'का नामले चिनिने अमित राईले गाएको पहिलो गीत 'फुलै फूलको सौगात तिमीलाई' यूट्युबमा राम्रो भ्युअर्स बटुलिरहेको छ । हालसम्म रेकर्डिङ्ग स्टुडियो ...

सुशान्त प्रकरण : घरेलु सहायक दीपेश सावन्त पक्राउ

सुशान्त प्रकरण : घरेलु सहायक दीपेश सावन्त पक्राउ

मुम्बई - सुशान्तसिंह राजपुत आत्महत्या प्रकरणमा लागुऔषध नियन्त्रण ब्युरो (एनसिबी) ले उनका घरेलु सहायक दीपेश सावन्तलाई पक्राउ गरेको छ। एनसिबीका उपनिर्देशक केपीएस मल्होत्राले दीपपेशलाई लागुऔषध खरिद ...




ट्रेन्डिङ