चीनबाट ल्याइएका नेपालीलाई घना बस्तीबीच रहेको तालिम केन्द्रमा राख्नु हुँदैन : प्रेम सुवाल

2020-02-11

काठमाडाैं - नेपाल मजदूर किसान पार्टीका सांसद प्रेम सुवालले चीनबाट ल्याइएका नेपालीलाई भक्तपुरको खरिपाटीस्थित विद्युत् प्राधिकरणको तालिम केन्द्रमा राख्ने सरकारको निर्णयमा आपत्ति जनाएका छन्।

मंगलबार बसेको प्रतिनिधि सभा बैठकको विशेष समयमा बोल्दै सांसद सुवालले घना बस्तीबीचको तालिम केन्द्रलाई क्वारेन्टाइनका रुपमा प्रयोग गरेर चीनबाट ल्याइएकालाई राख्न नहुने अडान राखेका हुन्।

‘खरिपाटी तालिम केन्द्रमा चीनबाट ल्याउने मानिस राख्ने निर्णय सरकारले गरेछ’, उनले भने, ‘घना बस्तीबीचको तालिम केन्द्रमा राख्नु हुँदैन, बस्तीभन्दा बाहिरको स्थानमा राख्ने गरी सरकारले ठाउँ खोजोस्।’

सांसद सुवालले खरिपाटी तालिम केन्द्रमा चीनबाट ल्याइएकालाई राख्ने सरकारी निर्णयविरुद्ध स्थानीयवासी विरोधमा उत्रिसकेको पनि जिकिर गरे। सरकारले कोरोना फैलिएको चीनको वुहान क्षेत्रबाट ल्याउन लागिएका करिब १८० जनालाई खरिपाटीस्थित तालिम केन्द्रलाई क्वारेन्टाइन बनाएर दुई सातासम्म चिकित्सकीय निगरानीमा राख्ने निर्णय गरेको छ।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...





ट्रेन्डिङ