थाइल्यान्डका एक सैनिकद्वारा कमान्डरसहित २० जनाको गोली हानी हत्या

2020-02-09

काठमाडौं - थाइल्यान्डका एक जुनियर सैनिक अधिकारीले आफ्ना कमान्डरसहित २० जनाको गोली हानी हत्या गरेका छन् । गोली लागेर दर्जन बढी घाइते भएका छन् ।

थाई सहर नाखोन रत्चासिमा शनिबार जुनियर सैनिक अधिकारी जाकाराफन्थ थोमाले अन्धाधुन्ध गोली प्रहार गरी आफ्ना सैन्य कमान्डरसहित २० को हत्या गरेका हुन् ।

बीबीसीका अनुसार, थोमाले सुरुमा आफ्ना कमान्डिङ अफिसरको हत्या गरेका थिए । कमान्डरको हत्यापछि क्याम्पबाट हतियार चोरेर भागेका उनले सपिङ सेन्टरमा पुगेर अन्धाधुन्ध गोली हानेका थिए ।

घटनामा गोली लागेर घाइते दर्जन बढीलाई अस्पताल लगिएको थाई सञ्चारमाध्यमले जनाएका छन् । घटनापछि सपिङ सेन्टरमा त्रसित बनेका सयभन्दा बढीको उद्धार गरिएको छ ।

आक्रमणकारीको पहिचान भए पनि उनलाई नियन्त्रणमा लिने सुरक्षाकर्मीको प्रयास सफल हुन सकेको छैन । बीबीसीका अनुसार, उनी सपिङ कम्प्लेक्समै लुकिरहेको हुनसक्ने अनुमान गरिएको छ । उनलाई नियन्त्रणका लागि अहिले सुरक्षाकर्मीले सपिङ कम्प्लेक्सलाई पहरा दिइरहेको छ ।

सैनिक सेवामा रहेका ती व्यक्तिले यो हदको अमानवीय हर्कत किन गरे भन्नेबारे खुलेको छैन ।




थप समाचार


संसदीय समितिमा परराष्ट्रमन्त्रीले भने: प्रधानमन्त्रीको चीन भ्रमणका एजेन्डा फाइनल भएका छैनन्

संसदीय समितिमा परराष्ट्रमन्त्रीले भने: प्रधानमन्त्रीको चीन भ्रमणका एजेन्डा फाइनल भएका छैनन्

काठमाडौं । परराष्ट्रमन्त्री एनपी साउदले प्रधानमन्त्री पुष्पकमल दाहाल प्रचण्डको चीन भ्रमणका कुनै पनि एजेन्डा अन्तिम चरणमा नपुगेको बताएका छन् । अन्तर्राष्ट्रिय सम्बन्ध समितिको आज बिहान बसेको ...

मणिपुरमा फेरि हिंसा: २ जनाको मृत्यु, ५० जना घाईते

मणिपुरमा फेरि हिंसा: २ जनाको मृत्यु, ५० जना घाईते

काठमाडौं । भारतको मणिपुरमा फेरि हिंसा भड्किएको छ। जसमा परी दुई जनाको मृत्यु भएको छ भने ५० जना घाइते भएका छन्।  मिडिया रिपोर्टका अनुसार सेनाको बर्दी ...

अमेरिकालाई पछि पार्दै संसारकै धनी देश बन्यो चीन

अमेरिकालाई पछि पार्दै संसारकै धनी देश बन्यो चीन

काठमाडौं - छिमेकी मुलुक चीनले महाशक्ति राष्ट्र अमेरिकालाई पछि पार्दै विश्वकै धनी मुलुक बनेको छ । पछिल्लो २० वर्षमा चीनको सम्पत्ति तीव्र गतिले बढिरहेको छ ...




ट्रेन्डिङ