देउवा फेरि पनि सभापतिको उम्मेदवार बन्ने

2020-02-06

काठमाडौं - नेपाली कांग्रेसका सभापति शेरबहादुर देउवाले १४ औं महाधिवेशनमा पुनः सभापतिको प्रत्यासी बन्ने भएका छन्।

सार्वजनिक रुपमा देउवाले महाधिवेशनको सभापतिको उम्मेदवार घोषणा नगरेपनि आफू निकटका नेताहरुसँग देउवाले मुख खोलिसकेका छन्। देउवा निकट केन्द्रीय सदस्य एनपी साउदले १४ औं महाधिवेशनमा पार्टी सभापतिले पुनः सोही पदमा उम्मेदवारी दिने जानकारी गराए।

आफू निकटका नेताहरुसँग देउवाले पुनः सभापति बन्ने घोषणा गरिसकेका हुन्। साउदले भने, ‘अहिले उम्मेदवार सार्वजनिक गर्ने बेला भइसकेको छैन। सभापतिले फेरि पनि त्यहि पदमा उम्मेदवारी दिने हामीहरुसँग बताउनुभएको छ।’ देउवाले पुनः एकपटक सभापतिमा दोहिरिने इच्छा राखेको साउदले जानकारी गराए।

संस्थापन समुहबाट देउवा सभापतिको उम्मेदवार बनेका अवस्थामा उपसभापतिद्वय विमलेन्द्र निधि र विजय गच्छदार उनको अवरोधक नहुने साउदको बुझाइ छ। साउदले भने, ‘उहाँ (देउवा) बलियो उम्मेदवारकै रुपमा हुनुहुन्छ। संस्थापन समूहमा उहाँले रुचि राखेपछि अरु कसैले रोक्ला जस्तो लाग्दैन।’

सभापतिमा पुनः उम्मेदवार देउवा बनेपछि उनका लागि व्यवस्थापनको चुनौतिमा उपसभापतिद्वय विमलेन्द्र निधि र विजय गच्छदार हुनेछन्। एउटै समूह भएकाले सभापति देउवाले मिलाउन सक्ने साउदको बुझाइ छ।




थप समाचार


राप्रपाको महाधिवेशन वैशाख २५ देखि २८ सम्म, चुनाब चिन्ह 'हलो'

राप्रपाको महाधिवेशन वैशाख २५ देखि २८ सम्म, चुनाब चिन्ह 'हलो'

काठमाडौं - राष्ट्रिय प्रजातन्त्र पार्टीको महाधिवेशन वैशाख २५ देखि २८ सम्म हुने भएको छ। राप्रपाको मंगलबार बसेको केन्द्रीय समितिको मंगलबार बसेको बैठकले एकता महाधिवेशन काठमाडौंमा ...

पार्टी एकताका बाँकी काम पूरा गर्न ओली, प्रचण्ड र पौडेललाई १० दिनको समय

पार्टी एकताका बाँकी काम पूरा गर्न ओली, प्रचण्ड र पौडेललाई १० दिनको समय

काठमाडौं - सत्तारूढ नेपाल कम्युनिस्ट पार्टी (नेकपा)को सचिवालय बैठकले १० दिनभित्र पार्टी एकताका बाँकी काम पूरा गर्ने गरी अध्यक्षद्वय ओली-प्रचण्ड र महासचिव पौडेलले ठोस प्रस्ताव ...

पेरिसडाँडामा बसेको नेकपा सचिवालयले तय गर्‍यो ४ कार्यसूची

पेरिसडाँडामा बसेको नेकपा सचिवालयले तय गर्‍यो ४ कार्यसूची

काठमाडौं - नेपाल कम्युनिस्ट पार्टी (नेकपा) को सचिवालय बैठक समापन भएको छ। पेरिसडाँडामा ११ बजेदेखि बसेको बैठक ३ बजे समापन भएको हो। प्रधानमन्त्री निवास बालुवाटारमा ...




ट्रेन्डिङ