इरानले गरेको आक्रमणमा कोही पनि अमेरिकीको मृत्यु भएको छैन : ट्रम्प

2020-01-09

वासिंटन - अमेरिकी राष्ट्रपति डोनाल्ड ट्रम्पले इरानमा कोही पनि अमेरिकी घाइतेसमेत नभएको दाबी गरेका छन्। बुधबार राष्ट्रका नाममा विशेष सम्बोधन गर्दै राष्ट्रपति ट्रम्पले इरानले दाबी गरेजस्तो कोही पनि अमेरिकीको मृत्यु नभएको बताएका हुन्।

'इरानी सैन्य बलले दर्जनभन्दा बढी ब्यालेस्टिक आक्रमण गरेको बताए पनि इराकमा रहेका अमेरिकी सेनाका २ शिबिरका कोही पनि अमेरिकी घाइते मात्रै पनि भएका छैनन्। तर इरानी आक्रमणबाट इरान र अमेरिकाबीचको द्वन्द्व भने बढाएको छ।'

'अमेरिकाले साँच्चै गर्व गर्नुपर्ने अवस्था छ। कोही पनि अमेरिकीलाई कुनै हानी भएको छैन। हाम्रो तर्फ कसैको पनि मृत्यु भएको छैन। हाम्रा सबै सैनिकहरू सुरक्षित छन्। हाम्रा सेनाका शिबिरमा केही क्षति मात्र भएको हो,' ट्रम्पले भनेका छन्।

पश्चिमी इराकको अल असद वायु सेना शिबिरमा इरानले कम्तीमा पनि ६ पटक मिसाइल आक्रमण गरेको अमेरिकी रक्षा स्रोतले जानकारी दिएको थियो। मंगलबार मात्रै पनि ट्रम्पले ट्विट गर्दै सबै ठीक रहेको उल्लेख गरेका थिए।

उता इरानले भने दर्जन बढी आक्रमण गरी कम्तीमा ८० अमेरिकी सैनिक मारेको दाबी गरेको थियो।

इरानका सर्वोच्च नेता अयातोल्ला अलि खामेनीले अमेरिकी सेनाविरुद्धको आक्रमण अमेरिकाको गालामा मुक्का थप्पड भएको बताएका थिए।

अमेरिकाले इरानका सैन्य कमान्डर सुलेमानीको हत्या गरेपछि इरान र अमेरिकाबीच द्वन्द्व चुलिँदै गएको छ।




थप समाचार


इन्टरपोल पूर्वप्रमुखलाई साढे १३ वर्ष जेल सजाय

इन्टरपोल पूर्वप्रमुखलाई साढे १३ वर्ष जेल सजाय

एजेन्सी - चीनले अन्तर्राष्ट्रिय प्रहरी संगठन (इन्टरपोल)का पूर्वप्रमुख मेङ्ग होङ्गवेलाई साढे १३ वर्ष जेल सजाय सुनाएको छ। उनीमाथि २१ लाख अमेरिकी डलर भ्रष्टाचार गरेको आरोप ...

इराकस्थित अमेरिकी दूतावास नजिकै इरानको फेरी आक्रमण

इराकस्थित अमेरिकी दूतावास नजिकै इरानको फेरी आक्रमण

एजेन्सी - इराकी राजधानीस्थित उच्च सुरक्षा ग्रीन जोनमा अमेरिकी दूतावास नजिकै रकेट आक्रमण भएकाे छ। सुरक्षा स्रोतका अनुसार बगदादमा रहेकाे अमेरिकी दूतावास नजिकै तीनवटा रकेट ...

इराकस्थित अमेरिकी सैन्य अड्डामा रकेट आक्रमण, ४ जना घाइते

इराकस्थित अमेरिकी सैन्य अड्डामा रकेट आक्रमण, ४ जना घाइते

एजेन्सी - इराकस्थित अमेरिकी एयरबेसमा फेरि आक्रमण भएकाे छ। इराकको अल बलदमा रहेको अमेरिकी एयरबेसमा आठवटा रकेटहरुले आक्रमण भएकाे बताइएकाे छ। घटनामा चारजना घाइते भएका ...





ट्रेन्डिङ