कांग्रेसमा देउवाइतर समूहले बाेलायाे जिल्ला सभापतिहरुको भेला

2020-01-06

काठमाडाैं - नेपाली कांग्रेसको संस्थापनइतर समूहले आज जिल्ला सभापतिहरुको भेला बोलाएको छ। सभापति शेरबहादुर देउवा पक्षले बहुमतको आधारमा केन्द्रीय समितिबाट निर्णय गरेपछि संस्थापन पक्षको निर्णयविरुद्ध जिल्ला सभापतिको भेला बोलाइएको हाे। जिल्ला सभापतिहरुबाट परामर्श लिनका लागि भेला बोलाइएको केन्द्रीय सदस्य कल्याण गुरुङले जानकारी दिए।

महाधिवेशनकाे मिति तय, भातृ संस्थाको कार्यकाल थप, विभागको संख्या बढाउने केन्द्रीय समितिको निर्णयलाई पार्टीका वरिष्ठ नेता रामचन्द्र पौडेल र अर्का नेता कृष्णप्रसाद सिटौला पक्षले विरोध गर्दै आएका छन्। पौडेल पक्षको गत साताको बैठकले जिल्ला सभापतिहरुको भेला गर्ने निर्णय गरेको थियो।

केन्द्रीय कार्यालयमा भेला डाकिएको छ। परामर्श बैठकमा ५२ जिल्ला सभापतिहरुको सहभागिता हुने नुवाकोट जिल्ला सभापति जगदीश्वर नरसिंह केसीले बताए। भेलामा सिटौला पक्षका जिल्ला सभापतिसमेत उपस्थित हुने बताइएको छ।

भेलाको पहिलो चरणमा शीर्ष तहका नेताले पार्टीभित्रको पछिल्लो गतिविधि बारे जानकारी गराउने छन्। त्यस लगत्तै जिल्ला सभापतिहरुले आफ्नो धारणा तथा सुझाव बैठकमा राख्नेछन्। जिल्ला सभापतिहरुको भेला बिहान ११ बजे सुरु हुनेछ।




थप समाचार


नेकपाका शीर्ष नेताहरुबीचको वार्ता सांझा ५ बजे

नेकपाका शीर्ष नेताहरुबीचको वार्ता सांझा ५ बजे

काठमाडौं - पार्टी विवाद मिलाउन नेपाल कम्युनिष्ट पार्टी (नेकपा) का शीर्ष नेताबीच आज मंगलबार पनि भेटवार्ता हुने भएको छ। प्रधानमन्त्री एवं अध्यक्ष केपी ओली, अर्का अध्यक्ष ...

ओली-प्रचण्ड भेट आजलाई सकियो, भोलि फेरी छलफल हुने

ओली-प्रचण्ड भेट आजलाई सकियो, भोलि फेरी छलफल हुने

काठमाडौं - नेपाल कम्युनिष्ट पार्टी (नेकपा)का शीर्ष नेताहरुबीच बालुवाटारमा भएको छलफल सकिएको छ। प्रधानमन्त्री एवं अध्यक्ष केपी ओली, अर्का अध्यक्ष पुष्पकमल दाहाल ‘प्रचण्ड’ र वरिष्ठ ...

नेपालसँगकाे छलफलपछि प्रचण्ड र झलनाथ ओलीलाई भेट्न बालुवाटारमा

नेपालसँगकाे छलफलपछि प्रचण्ड र झलनाथ ओलीलाई भेट्न बालुवाटारमा

काठमाडाैं - नेकपाका अध्यक्ष पुष्पकमल दाहाल 'प्रचण्ड', वरिष्ठ नेता झलनाथ खनाल र माधव कुमार नेपालबीच छलफल भएकाे छ। प्रचण्ड निवास खुमलटारमा उनीहरुबीच साेमबार बिहान करिव ...




ट्रेन्डिङ