एजेन्सी - भारतमा नागरिकता कानुनलाई लिएर भएकाे हिंसात्मक प्रदर्शनको प्रभाव उत्तर प्रदेशमा पनि देखिएकाे छ। लखनऊमा हिंसा भडकेपछि मेरठ, गाजियाबाद, मुजफ्फरनगर, अलीगढ़, बरेली, प्रयागराज र सम्भल जिल्लामा इन्टरनेट सेवा २४ घण्टाका लागि बन्द गिरएकाे छ।

नागरिकता संशोधन ऐनको विरुद्धमा देशभर हिंसात्मक प्रदर्शनका घटना भएका छन्। उत्तरपूर्वी राज्यहरूमा सुरु भएको हिंसाको प्रभाव अब उत्तर प्रदेशमा पनि पुगेको छ। राज्यका विभिन्न जिल्लाहरुमा हिंसात्मक झडपका घटनाहरु भएका छन्।

नक्कली समाचार र उत्तेजक समाचारहरू हिंसात्मक प्रदर्शनको प्रमुख कारण मानिएकाे छ। सामाजिक सञ्जालमा नागरिकता कानुनको बारेमा झूटा अफवाह फैलिएको बताइएकाे छ। जसको कारण मानिसहरू हिंसात्मक प्रदर्शन गरिरहेका छन्।

पूर्वी र पश्चिमी उत्तर प्रदेशका धेरै जिल्लाहरू यस्तै हिंसाको घेरामा परेका छन्। आजतकका अनुसार स्थानीय प्रशासन अफवाहहरू रोक्न सतर्क छ।