वैद्यको निष्कर्ष : प्रचण्ड ढुलमुले, बाबुराम विजातीय र विप्लवको गति नै गलत

2019-10-23

प्यूठान - नेपाल कम्युनिष्ट पार्टी (क्रान्तिकारी माओवादी)का महासचिव मोहन वैद्य ‘किरण’ले जनयुद्धमा सँगसँगै संघर्ष गरेका सारथी ढुलमुले, विजातीय र अस्पष्ट कार्यदिशा लिएर हिँडेको बताएका छन्। नेपाल कम्युनिष्ट पार्टी .(क्रान्तिकारी माओवादी) जिल्ला कमिटी प्यूठानले बुधबार नयाँ बजार जुम्रीमा गरेको पत्रकार भेटघाट कार्यक्रममा बोल्दै महासचिव ‘किरण’ले नयाँ जनवादी क्रान्तिसंगै जनताको राज्यसत्ता निर्माणको लागि दश वर्षे जनयुद्धमा लागेका नेताहरु प्रतिवद्धता भुलेर अलमलमा परेको बताएका हुन्।

जनयुद्धको नेतृत्व गरेका प्रचण्ड कहिले पुँजावादी जस्तो त कहिले कम्युनिष्ट जस्तो भनेर ढुलमुल गर्ने, बाबुराम भट्टराई कम्युनिष्ट विचार त्यागेर विजातीय बन्ने र विप्लवले अस्पष्ट कार्यदिशा लिएर एकीकृत जनक्रान्ति भन्दै हिँड्ने गलत काम गरेको मोहन वैद्यले टिप्पणी गरे। ‘प्रचण्डजी कतिबेला पुँजीवादी जस्तो र कतिबेला कम्युनिष्ट बनेर बोल्नु हुन्छ’, वैद्यले भने, ‘बाबुरामको त कम्युनिष्ट भन्ने असम्भव भइसक्यो।’

सरकारले पनि विप्लव समूहलाई नबुझी उनीहरुमाथि अराजनीतिक व्यवहार गरिरहेको वैद्यको भनाइ छ। विप्लव समूहमाथि प्रतिबन्धको निर्णय राजनीतिक नभएको भन्दै उनले यो समस्याको समाधान राजनीतिक ढंगले मात्र निकाल्नु सरकारलाई ध्यानाकर्षण गराए। नेकपा (नेकपा) सरकार राष्ट्रियताको बिषयमा गम्भीर नभएको नेता ‘किरण’ आरोप लगाए।

उनले आफ्नो पार्टीले उपनिर्वाचन वहिष्कार गर्ने जनाए । वैद्यले प्रतिनिधि सभा र प्रदेशसभाको चुनाव पार्टीले उपयोग गरे पनि सरकारको भण्डाफोर गर्न उपनिर्वाचनविरुद्ध वहिष्कारसहितको प्रचारात्मक कार्यक्रम गर्ने जानकारी दिए।




थप समाचार


माओ दिवस : किन मनाउने ?

माओ दिवस : किन मनाउने ?

पूर्वीय प्रचलनमा जन्मदिन त्यति मनाउने गरेको पाइँदैन ! तर पश्चिमी जगतमा रहेको यो चलन अहिले पूर्वीय जगतमा, त्यो पनि विशेषगरि बच्चाबच्चीहरुमा निकै झाङ्गिएको छ ! ...

प्रधानमन्त्री ज्यु ! 'कृषि क्रान्ति' तथा जनतालाई 'आर्थिक दासता'बाट यसरी मुक्त गर्न सकिन्छ !

प्रधानमन्त्री ज्यु ! 'कृषि क्रान्ति' तथा जनतालाई 'आर्थिक दासता'बाट यसरी मुक्त गर्न सकिन्छ !

लेखक :ओमप्रकाश न्यौपाने पूर्ब उप-सचीव शिक्षाप्रशासन समूह( मो .नं.9847984984) हेलो सरकार,प्यारा प्रधानमन्त्रीज्यू, राष्ट्रिय योजना आयोगका उपाध्यक्ष तथा सदस्यहरु! रुसमा ...

कुसुण्डा कसरी यताको समाजमा बिलिन भए ? ज्ञानीमैया कुसुन्डाको भोगाई अनि यात्रा यस्तो छ !

कुसुण्डा कसरी यताको समाजमा बिलिन भए ? ज्ञानीमैया कुसुन्डाको भोगाई अनि यात्रा यस्तो छ !

कुसुन्डा भाषा जान्ने दुईजनामध्ये एक हुन् दाङकी ज्ञानीमैया कुसुन्डा । ज्ञानीमैैया जंगलमै जन्मिइन्, जीवनको एक दशक जंगलमै बिताइन् । अहिले उनलाई एउटै चिन्ताले सताएको छ– ...





ट्रेन्डिङ