जापानमा ५० वर्षयताकै शक्तिशाली : मृत्यु हुनेको सङ्ख्या २५ पुग्यो, १७ बेपत्ता

2019-10-14

टोकियो - जापानको राजधानी टोकियोलगायतका स्थानमा आएको 'हागिबिस' नामक आँधीका कारण मृत्यु हुने व्यक्तिको सङ्ख्या २५ पुगेको छ। जापान सरकारले उद्धारका लागि दशौं हजार सैनिक तथा उद्धारकर्ता खटाएको छ। जापानी टेलिभिजन 'एनएचके'का अनुसार आँधीपछि करिब १७ जना हराइरहेका छन्।

आँधीले शनिबार राजधानी टोकियोमा बढी क्षति पुर्‍याएको र आँधी उत्तरतर्फ अघि बढेको जापानका मौसमविद्‌हरुले बताएका छन्। आँधीसँगै भएको वर्षाका कारण धेरै नदीहरूमा बाढी आएको र नदीको पानी बस्तीहरूमा पसेका कारण ठूलो धनजनको क्षति भएको हो।

'आँधीका कारण ३ लाख ७६ हजार घरहरूमा विद्युत आपूर्ति अवरूद्ध भएको, १४ हजार घरहरूमा खानेपानीको अभाव भएको छ,' चिफ क्याविनेट सेक्रेटरी योशिहिदे सुगाले बताए।

उद्धारकर्ता तथा जापानी अधिकारीले दिएको जानकारी अनुसार शनिबार साँझ आएको आँधीका कारण कैयौँ स्थानमा बाढी-पहिरो गएको र कतिपय बस्तीहरू डुवानमा परेका छन्।

सरकारले आँधीपछि २७ हजार सेना तथा स्वयंसेवक बललाई उद्धार र राहतका लागि खटाएको जनाएको छ। भू-संरचना, यातायात तथा पर्यटन मन्त्रालयले दिएको जानकारी अनुसार आँधीपछि विभिन्न १२ राज्यका कम्तीमा ४८ स्थानमा पहिरो गएको र २१ नदीमा बाँध फुटेका कारण ठूलो क्षति भएको छ।

स्थानीयहरूले आँधी विगत ५० वर्षयताकै शक्तिशाली भएको बताएका छन्। आँधीको प्रभाव सबैभन्दा धेरै नागानो राज्यमा परेको बताइएको छ। अधिकारीले आँधीपछि नागानो र छिमेकी राज्यका सहरहरूका बासिन्दालाई सुरक्षाका लागि अझै सावधानी अपनाउन निर्देशन गरेको छन्।

नागानो क्षेत्रमा विश्वमै प्रसिद्ध जापानी बुलेट ट्रेनमा समेत क्षति पुगेको छ। नागानो क्षेत्रमा चल्ने बुलेट रेलहरू डुवानका कारण अहाल अवरूद्ध छन्। रेल कम्पनीका अनुसार १० वटा रेलका १ सय २० डब्बाहरूमा क्षति पुगेको छ।

मन्त्रालयका अनुसार कतिपय बस्तीहरूमा बाढीको पानी करिब पाँच मिटरसम्म जमेको बताइएको छ भने त्यहाँका बासिन्दाले उद्धारका लागि घरका तलाहरूबाट हात हल्लाएर अनुरोध गरेका भिडियोहरू टेलिभिजन तथा सामाजिक सञ्जालमा देखिएका छन्।

जापानको मौसम विज्ञानसम्बन्धी निकायले टोकियो र प्रभावित १२ वटै राज्यमा भारी वर्षा हुने सम्भावना रहेको बताउँदै नदी वरपरका क्षेत्रमा सतर्क बन्न सूचना जारी गरेको छ। आइतबारसम्म आँधीको प्रभाव निकै कम भएको बताइएको छ।




थप समाचार


संसदीय समितिमा परराष्ट्रमन्त्रीले भने: प्रधानमन्त्रीको चीन भ्रमणका एजेन्डा फाइनल भएका छैनन्

संसदीय समितिमा परराष्ट्रमन्त्रीले भने: प्रधानमन्त्रीको चीन भ्रमणका एजेन्डा फाइनल भएका छैनन्

काठमाडौं । परराष्ट्रमन्त्री एनपी साउदले प्रधानमन्त्री पुष्पकमल दाहाल प्रचण्डको चीन भ्रमणका कुनै पनि एजेन्डा अन्तिम चरणमा नपुगेको बताएका छन् । अन्तर्राष्ट्रिय सम्बन्ध समितिको आज बिहान बसेको ...

मणिपुरमा फेरि हिंसा: २ जनाको मृत्यु, ५० जना घाईते

मणिपुरमा फेरि हिंसा: २ जनाको मृत्यु, ५० जना घाईते

काठमाडौं । भारतको मणिपुरमा फेरि हिंसा भड्किएको छ। जसमा परी दुई जनाको मृत्यु भएको छ भने ५० जना घाइते भएका छन्।  मिडिया रिपोर्टका अनुसार सेनाको बर्दी ...

अमेरिकालाई पछि पार्दै संसारकै धनी देश बन्यो चीन

अमेरिकालाई पछि पार्दै संसारकै धनी देश बन्यो चीन

काठमाडौं - छिमेकी मुलुक चीनले महाशक्ति राष्ट्र अमेरिकालाई पछि पार्दै विश्वकै धनी मुलुक बनेको छ । पछिल्लो २० वर्षमा चीनको सम्पत्ति तीव्र गतिले बढिरहेको छ ...




ट्रेन्डिङ