सभामुख महरालाई राजिनामा दिन निर्देशन दिनु अघि बालुवाटारमा के-के भयो ?

2019-10-02

काठमाडौं - महिलामाथि यौन दुव्र्यवहार गरेको आरोपछि राजीनामा दिएको सभामुख कृष्णबहादुर महराको राजनीतिक भविष्य अन्योलमा परेको छ।

संसद्मै कार्यरत महिला कर्मचारी रोशनी शाहीले आइतबार राति आफूमाथि यौन दुव्र्यवहार गरेको आरोप लगाएपछि नेपाल कम्युनिस्ट पार्टी (नेकपा) ले नै उनलाई सभामुख र सांसद दुवैबाट राजीनामा दिन लगाएको थियो। मंगलबार बिहान ११ बजे बसेको पार्टी सचिवालय बैठकमा उपस्थित भएका सबै सदस्यले महरा पदीय हैसियतले पनि महिला एक्लै भएको स्थानमा पुग्नु नै गलत भएको ठहर गरेका थिए।

नेकपाको सचिवालय बैठकअघि मंगलबार बिहान ९ बजे प्रधानमन्त्री केपी शर्मा ओलीले प्रहरी महानिरीक्षक (आइजिपी) सर्वेन्द्र खनाललाई बोलाएका थिए। महानगरीय प्रहरी वृत्त लैनचौरको नयाँ भवन शिलान्यास गर्न पुगेका आइजिपी खनाललाई बोलाएर ओलीले घटनाको सबै विवरण लिएका थिए। उनले महरा ती महिलाको कोठमा जाने रुटको सिसिटिभी फुटेजसमेत मगाएर हेरेका थिए।

महरामाथि लागेको आरोपले पार्टीलाई पनि क्षति पु¥याउने निष्कर्षसहित नेकपा सचिवालय बैठकले राजीनामा दिन निर्देश गरेको थियो।
सो फुटेज प्रधानमन्त्री ओली र नेकपाका अध्यक्ष पुष्पकमल दाहाल तथा नेकपाकै चौथो वरियताका माधवकुमार नेपालले समेत हेरेपछि प्रधानमन्त्री निवासमै महरालाई बोलाएर छलफल गरेका हुन्। महाराले रोशनीकोमा आफू गएको स्वीकार गरेकाले राजीनामा दिएर सहजीकरण गर्न ओली, दाहाल र नेपालले सुझाव दिएका थिए। बिहान करिव १० बजेतिर आइजिपी खनाल निस्केपछि नेकपाको सचिवालय बैठक बसेको थियो।

महरालाई बोलाउनुअघि नेता नेपाल तथा दुई अध्यक्षबीच पनि यो विषयमा छलफल भएको थियो। बिहान १० देखि ११ बजेसम्म बालुवाटारमा पार्टीका दुई अध्यक्ष र नेपालबीच छलफल भएर ११ बजे बैठक बसेको थियो। सचिवालय बैठकमा आइजिपीले प्रधानमन्त्री र गृहमन्त्रीलाई गरेको ब्रिफिङ तथा बानेश्वरको सडक हुँदै महराको गाडी गएको सिसिटिभी फुटेजसमेत देखाइएको थियो। बैठकमा उपस्थित सबै नेता त्यसपछि स्तब्ध भएका थिए। सबैको जोड राजीनामा दिएर अनुसन्धानमा सहयोग गर्न लगाउनुपर्नेमा थियो।

बैठकले महरालाई सभामुख र सांसदबाट तत्काल राजीनामा दिन निर्देशन दिएको थियो। त्यसपछि महराले राजीनामा दिएका थिए। यसअघि पार्टीभित्र र सरकारमा रहँदा विभिन्न आरोप खेपेका महरा यौन दुव्र्यवहारको आरोपबाट भने उम्कन सकेनन्। उनलाई पार्टीले समेत संरक्षण गर्न सक्ने अवस्था बनेन र बाध्य भएर राजिनामा गर्नुपरेको छ। सोमबार साँझदेखि उनले महिलामाथि यौन दुव्र्यवहार गरेको आरोपसहितका समाचार प्रकाशन हुनेथालेपछि राति नै महराको सचिवालयबाट विज्ञप्ति जारी गरी आरोपमा सत्यता नभएको दाबी गरिएको थियो।

सचिवालय बैठक बस्नुअघि संविधानसभाका पूर्वअध्यक्ष सुवास नेम्बाङ र महान्यायाधिवक्ता अग्नि खरेलसँग पनि ओली र दाहालले छलफल गरेका थिए। नेम्बाङ, खरेल र आइजिपीपछि ओली र दाहालले गृहमन्त्रीसँग परामर्श गरेका थिए। ‘बिहान ७ बजेदेखि नै यो विषयमा छलफल भएको थियो। महरासँग पनि पटकपटक छलफल भएका थियो’, बालुवाटार स्रोतले भन्यो। यस घटनाले पार्टीलाई समेत आघात पुगेको निष्कर्ष निकालिएको थियो। सबै सचिवालय सदस्यले यो विषयमा प्रहरी अनुसन्धानलाई सहयोग गर्न समेत महरालाई आग्रह गर्ने बताएका थिए। ‘गम्भीर आरोप हो पार्टीलाई समेत क्षति पुग्ने विषय भएकाले महरा आफैंले प्रहरी अनुसन्धानका लागि सहयोग गर्नुपर्छ’, बैठकमा सहभागी एक सदस्यले बैठकमा उठेको कुराबारे जानकारी दिए।

घटनाबारे गृहमन्त्री रामबहादुर थापा, गृहसचिव प्रेमकुमार राई र आइजिपी खनालबीच सोमबार दिउँसोदेखि नै छलफल भएको थियो। सञ्चारमाध्यमले सोमबार साँझ समाचार प्रकाशन गरेपछि भने गृहमन्त्रीले प्रधानमन्त्रीलाई जानकारी गराएका थिए। महराले सभममुखबाट राजीनामा दिएपछि गृहमन्त्री थापा र आइजिपी खनालबीच छलफल भएको थियो।

 

नागरिक




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...




ट्रेन्डिङ