यु-१८ साफ : बंगलादेशलाई हराउँदै भारतले जित्यो उपाधि

2019-09-29

काठमाडौं - यु १८ साफ च्याम्पियनसिपमा बंगलादेशलाई फाइनलमा हराउँदै भारतले उपाधि जितेको छ। तीन रातो कार्ड देखाइएको तनावपूर्ण खेलमा इन्जुरी समयमा गोल गर्दै भारतले उपाधि जितेको हो। त्यसअघि पहिलो हाफमा दुवै टिमले एक–एक गोल गरेका थिए।

हल्चोक मैदानमा भएको खेलको दोस्रो मिनेटमा नै बिक्रम प्रतापको गोलमार्फत भारतले अग्रता बनाएको थियो। ३८ औँ मिनेटमा बंगलादेशका यासिनले गोल फर्काउँदै खेल बराबरी गरेका थिए।

खेलको २३ औँ मिनेटमा भारतीय खेलाडीमाथि फोउल हुँदा मैदानमा तनावको स्थिति सिर्जना भएको थियो। दुवै टिमका खेलाडीहरु धकेलाधकेल गरिरहँदा रेफ्रिलाई अवस्था साम्य पार्न केही समय लाग्यो। जसमा रेफ्रिले बंगलादेश र भारतका एक–एक खेलाडीलाई रातो कार्ड देखाएका थिए।

गोलपछिको सेलिब्रेसनमा जर्सी सारेर टाउकोनेर लगेका बंगलादेशका कप्तान एसिन अराफतलाई रेफ्रीले पहँेलो कार्ड देखाएका थिए। त्यसअघि नै पहेँलो कार्ड पाएका उनी दोहोरो पहेँलो कार्डसँगै रातो कार्ड खान पुगे। तर लामो समय उनी मैदानबाट बाहिर निस्कन मानेनन्। बंगालदेशका खेलाडी र प्रशिक्षकले केही मिनेट रेफ्रीको निर्णयको विरोध गरे पनि अन्ततः उनी मैदानबाट बाहिरिएका थिए।

९ जनामा सीमित बंगलादेशी खेलाडीले अन्तिमसम्म सम्हालिएर खेले पनि इन्जुरी समयमा भने गोल खान पुगेको थियो। आइतबार नै भएको खेलमा भुटानलाई हराउँदै माल्दिभ्स तेस्रो भएको छ। सातदोबाटो स्थित एन्फा मैदानमा भएको खेलमा माल्दिभ्स १–० ले विजयी भएको हो।

भारतले उपाधि जितेसँगै यु १८ साफमा नयाँ विजेता भएको छ। यसअघिका दुवै संस्करण नेपालले जितेको थियो। प्रतियोगिताकै सबैभन्दा सफल टोली नेपाल यसपटक समूह चरणबाट नै बाहिरिएको थियो।

समूह ‘ए’ मा रहेको नेपालले पहिलो खेलमा माल्दिभ्ससँग १–१ गोलको बराबरी खेल्दै १ अंक जोडेको थियो। दोस्रो खेलमा भने नेपाल भुटानसँग ३–० ले पराजित भएको थियो।

२०१७ को सेप्टेम्बरमा भुटानमा भएको यु १८ साफ च्याम्पियनसिपमा बंगलादेशलाई फाइनलमा हराएर उपाधि जितेको नेपालले यसपटक घरेलु मैदानमा दर्शकको साथ पाए पनि सोचेअनुसार खेल्न सकेन। २०१७ को यु १८ साफमा समूह चरणमा भुटानसँग १–० ले पराजित भए पनि नेपालले उपाधि जित्न सकेको थियो। यसपटक भने भुटानसँगको हार नै समूह चरणबाट बाहिरिन पर्याप्त भयो।

त्यसअघि २०१५ मा नेपालमा नै आयोजना भएको यु १९ साफ च्याम्पियनसिपमा पनि नेपालले फाइनलमा भारतलाई पराजित गर्दै उपाधि जितेको थियो। पहिलो प्रतियोगिता यु १९ को स्वरुपमा गरिए पनि दोस्रोदेखि साफले यु १८ का रुपमा प्रतियोगिता गर्न थालेको हो।




थप समाचार


मेस्सीको ह्याट्रिकले शीर्ष स्थानमा उक्लियो बार्सिलोना, रियल मड्रिड लेभान्टेसँग हार्‍यो

मेस्सीको ह्याट्रिकले शीर्ष स्थानमा उक्लियो बार्सिलोना, रियल मड्रिड लेभान्टेसँग हार्‍यो

काठमाडौं - स्पेनिस ला लिगा अन्तर्गत शनिबार राति भएको खेलमा इबरलाई ५–० ले हराउँदै बार्सिलोना शीर्ष स्थानमा उक्लिएको छ। अर्को खेलमा रियल मड्रिड लेभान्टेसँग १–० ...

ए डिभिजन लिगको उपाधि मछिन्द्रलाई, को को बने विधागत उत्कृष्ट?

ए डिभिजन लिगको उपाधि मछिन्द्रलाई, को को बने विधागत उत्कृष्ट?

काठमाडौं - सहिद स्मारक ए डिभिजन लिग फुटबलको उपाधि पहिलो पटक मछिन्द्र क्लबले जितेको छ। दशरथ रंगशालामा शनिबार भएको लिगको अन्तिम खेलमा मनाङलाई १–० गोलले ...

अमेरिकामाथि ८ विकेटको जित, विश्व कीर्तिमान बनाउनबाट थोरैले चुक्यो नेपाल !

अमेरिकामाथि ८ विकेटको जित, विश्व कीर्तिमान बनाउनबाट थोरैले चुक्यो नेपाल !

काठमाडौं - आइसिसी विश्वकप क्रिकेट लिग टु– अन्तर्गत त्रिदेशीय सिरिजमा नेपालले अमेरिकालाई ८ विकेटले पराजित गरेको छ। ३६ रनको झिनो लक्ष्य पछ्याउँदै ब्याटिङ गरेको नेपालले ५.२ ...





ट्रेन्डिङ