मेडिकल कलेजको सरकारलाई चेतावनी : 'जबर्जस्ती गरे बिद्यार्थी भर्ना रोक्छौं'

2019-09-25

काठमाडौं - निजी मेडिकल कलेजहरुको छाता संगठन एसोसिएसन अफ प्राइभेट मेडिकल एन्ड डेन्टल कलेज अफ नेपालले एमबिबिएस/बिडिएसमा विद्यार्थी भर्ना नगर्ने चेतावनी दिएको दिएको छ।

बुधबार विज्ञप्ति जारी गर्दै एसोसिएसनले सरकारले निजी मेडिकल कलेजहरुलाई बन्द गराउने अभिप्रायले कलेजहरुको सिट संख्या, शुल्क निर्धारण, विदेशी विद्यार्थीको भर्ना सम्बन्धी स्पष्ट नीति नभएको भन्दै आव २०७६/७७ मा विद्यार्थी भर्ना नगर्ने चेतावनी दिएको हो।

निजी मेडिकल कलेजहरुले सरकारले निर्धारण गरेकोभन्दा बढी अवैध शुल्क असुली विद्यार्थी भर्ना गरिएको भन्दै केही महिनादेखि विद्यार्थीहरु आन्दोलनमा छन्। अवैध रकम फिर्ता गर्न सरकारले कलेजहरुलाई निर्देशन दिएपछि एसोसिएसनले यस्तो चेतावनी सहितको विज्ञप्ति जारी गरेको छ।

विद्यार्थीहरुले संघर्ष समिति गठन गरी गण्डकी मेडिकल कलेज, चितवन मेडिकल कलेज, किष्ट मेडिकल कलेज लगायतले बढी शुल्क असुली गरेको, परीक्षामा उपस्थिति हुन रोकेको, मानसिक यातना दिएको भन्दै अवैध रकम फिर्ता गर्न माग गरेका थिए।

एसोसिएसनका अध्यक्ष वसुरुद्दिन अन्सारीले बुधबार जारी गरेको विज्ञप्तिमा चिकित्सा शिक्षा ऐनले निर्दिष्ट गरेअनुसार शिक्षण संस्था शुल्क निर्धारण नगरी तथा विदेशी विद्यार्थी भर्ना सम्बन्धमा स्पष्ट प्रक्रिया नतोकी विश्वविद्यालयहरुले प्रवेश परीक्षा सञ्चालन गरेको भन्दै रुष्टता व्यक्त गरेका छन्।

‘प्रवेश परीक्षाको प्ररीक्षाफल समेत प्रकाशित गरिसकेको र भर्ना प्रक्रिया सुरु गर्न खोजिएको सन्र्दभमा कलेजहरुले सिट संख्या, शुल्क निर्धारण, विदेशी विद्यार्थीको भर्ना सम्बन्धी स्पष्ट नीति तथा संघीय संसद, प्रतिनिधि सभा, शिक्षा तथा स्वास्थ्य समितिले मेडिकल कलेजहरुको शुल्क लगायत विविध विषयका सन्दर्भमा दिइएको निर्देशनलाई पालना नगरी यथास्थितिमा कलेजहरुका तर्फबाट विद्यार्थी भर्ना गर्न असमर्थता व्यक्त गर्दछौँ’ अन्सारीद्वारा जारी विज्ञप्तिमा भनिएको छ।

उपरोक्त विषयलाई सम्बोधन नगरी कलेजहरुको स्वीकृति बेगर विद्यार्थी भर्ना प्रक्रिया अगाडि बढाई काउन्सिलिङ लगायत भर्नाका कामकारबाही गरी जबरजस्ती कलेज छनोट गराई पठाइएमा शैक्षिक सत्र २०७६/७७ (२०१९) मा एसोसिएसनका सदस्य मेडिकल कलेज तथा डेन्टल कलेजहरुले अध्ययन अध्यापन गराउन असमर्थ हुने उनको बताएका छन्।

सोबाट सिर्जित विकराल अवस्थाको जवाफदेहिता नेपाल सरकार, सम्बन्धित विश्वविद्यालय र डिनको कार्यालय हुने एसोसिएसनको भनाइ छ।

एसोसिएसनले भर्ना नगर्ने सम्बन्धमा प्रधानमन्त्रीलाई समेत ज्ञापनपत्र बुझाएको जनाएको छ।

जायज मागको यथोचित सम्बोधन नभए अन्य सशक्त कदम चाल्न मेडिकल कलेजहरु बाध्य हुने विज्ञप्तिमा उल्लेख छ।

मेडिकल कलेजहरुको पूर्वाधार १५० एमबिबिएस तथा बिडिएस विद्यार्थीहरुको अध्ययन अध्यापन लागि भइसकेको हुँदा विनाकारण सिट संख्या १०० र ५० मा सीमित गरिएको र सिट संख्या पूर्वनिधारित एमबिबिएस १५० र बिडिएस ७५ नै कायम गर्न एसोसिएसनले माग गरेको छ।

विदेशी विद्यार्थीहरुको हकमा नेपाल मेडिकल काउन्सिलको एकर्डिटेसन स्टान्डर्ड ले तोेकेको बमोजिम भर्ना प्रक्रिया अवलम्बन गरी विदेशी विद्यार्थीहरुको भर्ना सहजीकरण गर्न गराउन लगायतका माग राखेको छ।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...





ट्रेन्डिङ