पूर्वी नवलपरासी दुई वटा सवारी दुर्घटना, ६ जनाको मृत्यु

2019-09-24

परासी - पूर्व–पश्चिम राजमार्ग अन्तर्गत पूर्वी नवलपरासी (नवलपुर)का दुई छुट्टाछुट्टै स्थानमा भएका दुर्घटनामा ६ जनाको मृत्यु भएको छ । १६ जना घाइते छन् । नारायणढ–बुटवल सडक खण्डको कावासोती नगरपालिकाको खरकट्टा जंगलमा गएराति कार र ट्रक ठोक्किदा ५ जनाको मृत्यु भएको छ । मृतक सबै कारमा सवार रहेको जिल्ला प्रहरी कार्यालयका प्रहरी निरीक्षक राजेन्द्रप्रसाद अधिकारीले जानकारी दिए ।

दुर्घटनामा पूर्वी नवलपरासीको देवचुली नगरपालिका–१ का दीपक वि.क., वडा नं. ५ का डिलबहादुर ढेंगा मगर र कैलालीको धनगढी घर भएका सुरज राना मगर रहेको प्रहरीले जनाएको छ । अन्यको सनाखत हुन सकेको छैन ।

नारायणगढबाट बुटवलतर्फ जाँदै गरेको लु १ ख ८५३२ नम्बरको ट्रकसँग कावासोतीबाट नारायणगढतर्फ जाँदै गरेको बा २१ च ६४०९ नम्बरको कार ठोकिएर दुर्घटना भएको हो।

दुर्घटनाको समयमा हावाहुरीसहित पानी परेको थियो । तीव्र गतिमा रहेको कारले ओभरटेक गर्ने क्रममा ट्रकसँग ठोकिएर दुर्घटना भएको प्रहरी निरीक्षक अधिकारीले बताए । कार पूर्ण रुपमा क्षतिग्रस्त भएकाले शव निकाल्न दुई घण्टा लागेको अधिकारीका जानकारी दिए ।

त्यसैगरी मध्यविन्दुनगरपालिकाको अरुणखोला जंगलमा गएराति भएको दुर्घटनामा १ जनाको मृत्यु भएको छ । दाङबाट काठमाण्डौंतर्फ जाँदै गरेको ना ७ ख ८६४२ नम्बरको यात्रुबहाक बस सडकमा अनियन्त्रित भई दुर्घटना भएको हो । दुर्घटनामा बसका चालक मकवानपुर हेटौडाका ३५ वर्षीय लक्ष्मण तिमिल्सिनाको मृत्यु भएको प्रहरीले जनाएको छ । उनको उपचारका क्रममा चितवनको भरतपुर अस्पतालमा मृत्यु भएको हो ।

दुर्घटनामा घाइते १६ जनाको नवलपुर, कालीगण्डकी र भरतपुर अस्पतालमा उपचार भइरहेको छ । घाइते मध्ये केहीको अवस्था गंभिर रहेको प्रहरीले जनाएको छ ।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...





ट्रेन्डिङ