नेकपा सचिवालय निर्णय : पार्टी दर्ता गर्ने जिम्मा विष्णु पौडेललाई

2019-09-12

काठमाडौं - सत्तारुढ नेपाल कम्युनिस्ट पार्टी (नेकपा) सचिवालय बैठकले दल दर्ताको जिम्मेवारी महासचिव विष्णु पौडेललाई दिएको छ। बुधबार प्रधानमन्त्रीको सरकारी निवास बालुवाटारमा बसेको बैठकले दल दर्ता गर्ने निर्णय गर्दै महासचिव पौडेललाई जिम्मेवारी दिएको हो।

‘यही महिनाभित्र प्रक्रिया पूरा गरेर दल दर्ता गर्ने निर्णय भएको छ’, बैठकपछि पत्रकारलाई जानकारी दिँदै प्रवक्ता नारायणकाजी श्रेष्ठले भने, ‘दल दर्ताको सबै प्रक्रिया पूरा गर्ने जिम्मेवारी महासचिव विष्णु पौडेललाई दिइएको छ।’

प्रदेशसभा र स्थानीयमा उपनिर्वाचनमा पुन : दल दर्ता गर्नुपर्ने संवैधानिक र कानुनी व्यवस्था अनुसार निर्वाचन आयोगले सूचना प्रकाशित गरेपछि सचिवालय बैठकले यस्तो निर्णय गरेको हो।

बैठकमा पार्टी अध्यक्ष एवम् प्रधानमन्त्री ओलीले आफ्नो स्वास्थ्य अवस्थाको बारे जानकारी गराएका थिए। यसअघि प्रधानमन्त्री तथा पार्टी अध्यक्ष ओली सिंगापुरमा रहदा अर्का अध्यक्ष पुष्पकमल दाहाल ‘प्रचण्ड’को अध्यक्षतामा भदौ ९ गते सचिवालय बैठक बसेको थियो।

भदौ ५ मा बसेको ओलीसहितको सचिवालय बैठकमा वरिष्ठ नेता माधव नेपाल र ओलबीचमा चर्काचर्की भएपछि यी दुई नेताबीच छलफल नहुँदै सचिवालय बैठक बसेको हो।

बैठकमा सचिवालय सदस्य तथा प्रस्तावित पार्टी उपाध्यक्ष वामदेव गौतम भने सहभागी थिएनन्। उनी ज्वरो आएर बिरामी परेका कारण आराम गरिरहेका छन्।

नेकपाले पार्टी केन्द्रीय आयोग, महानगर कमिटीदेखि प्रवास कमिटीको संगठनात्मक एकताको काम टुंगो लगाउन बाँकी छ।




थप समाचार


दाङ पुगेर महराले भनेः राष्ट्रियताको पक्षमा उभिने आर्सिवाद दिनुस

दाङ पुगेर महराले भनेः राष्ट्रियताको पक्षमा उभिने आर्सिवाद दिनुस

दिवाकर पोख्रेलदेउखुरी, फागुन १२ गते । पूर्वसभामुख कृष्णवहादुर महरालाई दाङमा पार्टी कार्यकर्ता एवं शुभचिन्तकहरुले भव्य स्वागत गरेका । दाङ प्रवेस गर्दा भालुवाङमा नेता कार्यकर्ताले ...

कांग्रेस केन्द्रीय समिति बैठक आज

कांग्रेस केन्द्रीय समिति बैठक आज

काठमाडौं - प्रमुख प्रतिपक्षी नेपाली कांग्रेसले पार्टी केन्द्रीय समितिको बैठक सोमबारका लागि बोलाएको छ। केन्द्रीय कार्यालय सानेपामा दिउँसो १ बजेका लागि बोलाएको बैठकमा पार्टीको नियमावलीका ...

देउवा फेरि पनि सभापतिको उम्मेदवार बन्ने

देउवा फेरि पनि सभापतिको उम्मेदवार बन्ने

काठमाडौं - नेपाली कांग्रेसका सभापति शेरबहादुर देउवाले १४ औं महाधिवेशनमा पुनः सभापतिको प्रत्यासी बन्ने भएका छन्। सार्वजनिक रुपमा देउवाले महाधिवेशनको सभापतिको उम्मेदवार घोषणा नगरेपनि आफू निकटका ...





ट्रेन्डिङ