जिसस प्रमुखको निकृष्ट अभिव्यक्ति : 'उताबाट बूढा र रोगी गाई पठाएकोले समस्या आयो'

2019-09-07

सुर्खेत - नेपालगन्ज उपमहानगरपालिकाद्वारा दैलेख पठाइएका तीन सय ७० मध्ये ३६ गाई सुर्खेतका विभिन्न स्थानमा मृत फेला परेको घटनाबारे अहिले अनुसन्धान भइरहेको छ। यसैबीच जिल्ला समन्वय समिति (जिसस) दैलेखले नेपालगन्जबाट गाई मगाएको चिठी सार्वजनिक गरेसँगै घटनाले नयाँ मोड लिएको छ। दैलेखका विभिन्न स्थानीय तह र धार्मिक संस्थाले भने विज्ञप्ति नै जारी गरेर आफूहरूले गाई नमगाएको बताइसकेका छन्।

गौहत्या घटनामा नेपालगन्ज उपमहानगरपालिकाका मेयर डा. धवलशमशेर राणा, कार्यकारी अधिकृत हरि प्याकुरेललगायत कर्मचारी मुछिएका छन्। चिठी सार्वजनिक भएसँगै जिल्ला समन्वय समिति दैलेख भने उनीहरूको बचाउमा लागेको चर्चा चल्न थालेको छ। जिसस दैलेखले नेपालगन्ज उपमहानगरपालिकालाई भदौ ८ गते लेखेको ‘स्वच्छ गाई उपलब्ध गराइदिने’ व्यहोराको पत्र सार्वजनिक भएसँगै गाई राजनीतिले नयाँ मोड लिएको हो। नेपालगन्ज उपमहानगरपालिकाका प्रमुखलाई सम्बोधन गरेर पठाइएको पत्रमा श्रीस्थान, नाभीस्थान, कोटिला, धुलेश्वर, पादुकालगायत धार्मिक क्षेत्रका साथै नारायण नगरपालिकालगायत स्थानीय तहमा व्यावसायिक गाईपालनका लागि स्वच्छ र पाल्नयोग्य गाई उपलब्ध गराइदिनू भन्ने उल्लेख छ।

जिसस प्रमुख प्रेमबहादुर थापाले भदौ ६ गतेको जिसस बैठकले नेपालगन्ज उपमहानगरपालिकाबाट गाई मगाउने निर्णय गरेको दाबी गरे। ‘नेपालगन्ज उपमहानगरपालिकाका कार्यकारी अधिकृत दैलेखका स्थायी बासिन्दा हुनुका साथै लामो समय यहाँ स्थानीय विकास अधिकारी हुनुहुन्थ्यो। यहाँका सबै स्थानीय तहका प्रमुखसँग उहाँको व्यक्तिगत सम्पर्क छ,’ थापाले भने, ‘त्यसैका आधारमा उता (नेपालगन्ज) बाट गाई पठाउनुभएको हो, अहिले लिखित नहुँदा समस्या भयो।’

उनले नेपालगन्जबाट गाई ल्याउँदा आफूहरूलाई जानकारी नदिइएको बताए। ‘हामीले उन्नत जातका जर्सी गाई मागेका थियौं। उताबाट बूढा र रोगी गाई पठाए छन्। पठाउनुअघि हामीलाई खबर भएन। गाई मरिसकेपछि मात्रै थाहा पायौं,’ थापाले भने, ‘राम्रा गाईहरू पठाएको भए समस्या आउँदैनथ्यो। कृषकले नपाल्ने खालका गाई पठाइएकाले अहिले समस्या आयो।’ थापाले गाई पठाउँदा समन्वय नगरिएकाले समस्या देखिएको स्पष्ट पारे। तर दैलेख जिसस सदस्य सर्वराज महताराले भने भदौ ६ गतेको बैठकमा नेपालगन्जबाट गाई ल्याउने विषयमा कुनै छलफल नभएको दाबी गरे। ‘समन्वय समितिको बैठकमा जिल्लासभा सञ्चालन गर्ने अजेन्डा मात्रै थियो,’ उनले भने, ‘गाई ल्याउनेबारे कुनै छलफल भएको थिएन।’ उनले बैठकको निर्णय भन्दै सार्वजनिक भएको पत्रबारे आफू अनभिज्ञ रहेको बताए।




थप समाचार


‘अध्यादेशमार्फत विधेयक टुंगो लगाउँछौँ’

‘अध्यादेशमार्फत विधेयक टुंगो लगाउँछौँ’

चिकित्सा शिक्षासम्बन्धी विधेयक पारित नहुँदै व्यवस्थापिका संसद्को कार्यकाल सकिएपछि उक्त विधेयकलाई अब अध्यादेशमार्फत टुंगो लगाइने एकजना मन्त्रीले बताएका छन्। संसद अस्तित्वमा नरहेपनि विधेयक पारित गराउन ...

२९ पछि लोकतान्त्रिक गठबन्धन घोषणा

२९ पछि लोकतान्त्रिक गठबन्धन घोषणा

निर्वाचन आयोगले तोकेको बन्दसूचीका उम्मेदवारको नाम पेस गर्ने समयसीमा पछि लोकतान्त्रिक गठबन्धनको घोषणा गरिने भएको छ । आयोगले २९ असोजसम्मका लागि समानुपातिकका उम्मेदवारको नाम पठाउने ...

त्रिशूलीमा खस्दा ट्रकसहित चालक बेपत्ता

त्रिशूलीमा खस्दा ट्रकसहित चालक बेपत्ता

मलेखु (धादिङ), साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकैबाट आज बिहान एउटा ट्रक त्रिशूली नदीमा खसेर बेपत्ता भएको छ । जिल्ला ट्राफिक ...





ट्रेन्डिङ